ಮಡಿಕೇರಿ,ನ.19: (ಪೇರಿಯಂಡ ಯಶೋಧ) :ಕೊಡವ ಮಕ್ಕಡ ಕೂಟತ ನೂರಾನೆ ಮೊಟ್ಟ್ರ ಪುಸ್ತಕ ಕೂಡ್ನನಕೆ ನಾಲ್ ತರಾವರಿ ಪುಸ್ತಕ ಬೊಳಿಪಡ್ತುವ ಕಾರ್ಬಾರ್, ನಾಳಂಕೆ :24-11-2024ನೇ ನಾರಾಚೆ, ಪೊಲಾಕ 10-30 ಗಂಟೆಕ್, ಮಡಿಕೇರಿರ ಪತ್ರಿಕಾ ಭವನ ಬಾಡೆಲ್ ನಡ್ಪ.
ಪೆರಿಯ ಸಾಹಿತಿ, ಕರ್ನಾಟಕ ಕೊಡವ ಸಾಹಿತ್ಯ ಅಕಾಡೆಮಿರ ಮಾಜಿ ಅಧ್ಯಕ್ಷ, ಬಾಚರಣೆಯಂಡ ಪಿ. ಅಪ್ಪಣ್ಣ ಅಯಿಂಗ ಮೊಳಿ ಇಟ್ಟಿತ್, ಕೊಡವ ಮಕ್ಕಡ ಕೂಟತ ಕೊರುಕಾರ, ಬೊಳ್ಳಜಿರ ಬಿ. ಅಯ್ಯಪ್ಪ ಅಯಿಂಗಡ ಕೊರವುಕಾರಿಕೆಲ್, ಖನಪಟ್ಟ ಬೆಂದುವಾಯಿತ್, ಪೆದಪೋನ ಉದ್ಯಮಿ ಪಿಂಞ ಸಮಾಜ ಸೇವಕಂಗಳಾನ, ಕುಪ್ಪಂಡ ಛಾಯಾ ನಂಜಪ್ಪ ಅವು ಕೂಡಿಯಾಡುವ ಈ ಆಯಿಮೆಲ್, ಪುತ್ತರೀರ ಕರುಣ್ ಕಾಳಯ್ಯ ಸಂಪಾದಕತ್ವತ್, 100ನೇ ಮೊಟ್ಟ್, ಎಣ್ಣುವ ಪುಸ್ತಕ ಬೊಳಿಕಂಡಕ, ತೆನ್ನೀರ ಟೀನಾ ಚಂಗಪ್ಪ ಅಯಿಂಗಡ ಮನಸ್ರ ಮರೆಲ್, ಪೇರಿಯಂಡ ಯಶೋಧ ಅವು ಎಳ್ದ್ನ ಮನಸ್ರ ಜರಿ, ಕರವಂಡ ಸೀಮಾ ಗಣಪತಿ ಅಯಿಂಗಡ ಮನಸ್ರ ತಕ್ಕ್, ಐಚಂಡ ರಶ್ಮಿ ಮೇದಪ್ಪ ಅವು ಎಳ್ದ್ನ ನಾಟಕ, ಕೊಡವಡ ನಮ್ಮೆನಾಳ್ ಎಣ್ಣುವ ಪುಸ್ತಕ ಬೊಳಿಕಾಂಬದುಂಡ್. ಈ ಆಯಿಮೆರ ಕೂಡೆ, ಕೊಡವ ಮಕ್ಕಡ ಕೂಟ ಇಲ್ಲಿಕೆತ್ತನೆ ತರಾವರಿ ಪಾಜೆರ ಒಟ್ಟು 104 ಪುಸ್ತಕ ಬೊಳಿಕ್ ಬೂಕ್ನ ಕೇಳಿಕ್ ಎಣೆಯಾಪ.