ಕಟ್ಟೆಮಾಡ್, ಫೆ.22: ನೆಲ್ಲಿಪುದಿಕೇರಿ ನಾಡ್‌ಕ್ ಅಡ್ಂಗ್‌ನ ಕಟ್ಟೆಮಾಡ್ ಊರ್‌ರ ಶ್ರೀ ಭಗವತಿ ಭದ್ರಕಾಳಿ ಅಮ್ಮೆರ ಕೇಳಿ ಪೋನ ನಮ್ಮೆ ಮಾರ್ಚ್ -02 ಲಿಂಜ ಮಾರ್ಚ್ 08-ಕತನೆ ಕಟ್ಟೆಮಾಡ್‌ಲ್ ಉಳ್ಳ ಶ್ರೀ ಭದ್ರಕಾಳಿರ ದೇವನೆಲೆಲ್‌ ನಡ್ಪ.
ಫೆ.7-ನೇ ತಾರೀಕ್ ಬಲ್ಯನಮ್ಮೆರ ಮಾರೀಪತ್. ಬೈಟಾಪಕ 4:00 ಗಂಟೆಕ್ ದೇವಡ ಅರಾಟ್ ಬೊಳಕ್ ಇಪ್ಪ.
ಪೆರ್ತ್ ಚಾಯೋಡೆ ಭಕ್ತಿ ಭಾವತ್ ನಡ್’ಪ ಈ ನಮ್ಮೆಕ್ ನಿಂಗ ನಿಂಗಡ ಸಂಸಾರ ಸಮೇತ ಬಂತ್ ನಮ್ಮೆನ ನೋಟಿತ್ ದೇವಡ ಆಶೀರ್ವಾದ ಎಡ್ತಂಡ್ ತೀರ್ಥ ಪ್ರಸಾದತ್’ರ ಕೂಡೆ ನಮ್ಮೆ ಚಾಯೋಡೆ ನಡ್’ಪಕ್ ಸಾಕ್ಷಿ ಆಂಡುಂದ್ ಕಟ್ಟೆಮಾಡ್ ಶ್ರೀಭಗವತಿ ಭದ್ರಕಾಳಿ ದೇವಸ್ಥಾನ ಆಡಳಿತ ಮಂಡಳಿಕಾರಂಗ ಪಿಂಞ ಊರ್’ಕಾರಂಗ ಕೇಟಂಡಿತ್.
