ಮಡಿಕೇರಿ,ಜ.02: ಮಕ್ಕಂದೂರ್ ಕೊಡವ ಸಮಾಜತ್ರ ಆದನೆಲ್ ಪುತ್ತರಿರ ಮಾರೀಪತ್ ಉಮ್ಮೇಟಿ ಮಂದ್ ಪಿಂಞ ಪುತ್ತರಿ ಊರೊರ್ಮೆರ ಆಯಿಮೆ 03/01/2025ನೇ ಬೊಳ್ಯಾಚೆ ನಡ್ಪ.
ಸಮಾಜ ಕೊರವುಕಾರ ತಂಬುಕುತ್ತಿರ ಮಧು ಮಂದಣ್ಣ ಅಯಿಂಗಡ ಕೊರವುಕಾರಿಕೆಲ್ ನಡ್ಪ ಆಯಿಮೆಲ್, ಖನಪಟ್ಟ ಬೆಂದುವಾಯಿತ್, ಕೊಡವಾಮೆರ ಕೊಂಡಾಟ ಸಂಘಟನೆರ ಕೊರವುಕಾರ, ನಡುಬಾಡೆ ಸಂಪಾದಕ ಚಾಮೆರ ದಿನೇಶ್ಬೆಳ್ಯಪ್ಪ ಪಿಂಞ ಮಕ್ಕ್ನಾಡ್, ಬದಿಗೇರಿ ನಾಡ್, ಪಾಲೇರಿ ನಾಡ್ರ ನಾಡ್ ತಕ್ಕಂಗ ಕೂಡಿಯಾಡುವದುಂಡ್.
ಅಂದ್ ಪೊಲಾಕ 11 ಘಂಟೆಕ್ ಮಕ್ಕಂದೂರ್ ಭದ್ರಕಾಳೇಶ್ವರಿ ತಿರಿಕೆಲ್ ಪೂಜೆ ಕೈಚಿತ್, ಉಮ್ಮೇಟಿ ಮಂದ್ ಮರ್ಂಜಿತ್ ಆನದು, ಸಮಾಜ ಮಾಡೆಲ್ ಊರೊರ್ಮೆರ ಕಾರ್ಬಾರ್ ನಡ್ಪ, ಈ ನ್ಯಾರತ್ ತರಾವರಿ ಆಟ್ ಪಾಟ್, ಕಳಿ ತೆಳಿ, ತಕ್ಕ್ ಬಾಕ್, ಊಟೋಪಚಾರ ಇಪ್ಪ.
ಸಮಾಜಕ್ ಅಡ್ಂಗ್ನ ಪಿಂಞ ನಾಡ್ರ ಮಾಜನ ಏರ ಕಣಕಲ್ ಬಂದ್ ಕೂಡೋಂಡೂಂದ್ ಮಕ್ಕಂದೂರ್ ಕೊಡವ ಸಮಾಜಕಾರ ಕೇಟಂಡಿತ್.
