ಕುಶಾಲನಗರ, ಜ.07: ನಂಗಡ ನಮ್ಮೆ ನಾಳ್ ಆಯಿಮೆ ಕೊಯಿಮೆ ಪದ್ದತಿ ಪರಂಪರೆರ ಅರಿವುನ ಮಕ್ಕಕ್ ಮಾಡಿಕೊಡ್ಕಂಡಿಯದ್, ನಂಗಡ ಮೇನತ್ ಪಿಂಞ ಅವಶ್ಯಾಂದ್ ಪೆರಿಯ, ಪಲಪಾಜೆ ಸಾಹಿತಿ ಡಾIIಉಳುವಂಗಡ ಕಾವೇರಿಉದಯ ಕೆಮಿ ತಕ್ಕ್ ಪರ್ಂದತ್.
ಕುಶಾಲನಗರ ಕೊಡವ ಸಮಾಜತ ಆದನೆಲ್ ಪುತ್ತರಿ ಊರೋರ್ಮೆ ಕೂಟ, ಕೊಡವ ಸಮಾಜ ಕೊರವುಕಾರ ವಾಂಚೀರ ಮನುನಂಜುಂಡ ಅಯಿಂಗಡ ಕೊರವುಕಾರಿಕೆಲ್, 05/01/25ನೇ ನಾರಾಚೆ ಸಮಾಜ ಬಾಡೆಲ್ ನಡ್ಂದಲ್ಲಿ, ಖನಪಟ್ಟ ಬೆಂದುವಾಯಿತ್, ಕೂಡಿಯಾಡಿತ್ ಅವು ತಕ್ಪರ್ಂದತ್. ಕೊರವುಕಾರ ವಾಂಚೀರ ಮನು ನಂಜುಂಡ ಅವು ತಕ್ಕ್ ಪರಂದಿತ್, ನಂಗಡ ಕಲೆ, ಸಂಸ್ಕೃತಿರ ಕೂಟ್ಕ್, ತಾಂದಂಡುಳ್ಳ ನಂಗಡ ಮಕ್ಕಡ ಸಂಖ್ಯೆನೂ ಬೇರ್ಚಿಟ್ಟಿತ್, ಒತ್ತ ಅರಿವು ಕೊಂಡ ಬಪ್ಪನ್ನೆಕೆ ಆಂಡೂಂದ್ ಎಣ್ಣ್ಚಿ. ಕಟ್ಟೆಮಾಡ್ರನ್ನತ ಕೇತರೆ ಮಿಂಞಕ್ ನಡ್ಕತನ್ನಕೆ ನಂಗೆಲ್ಲ ಒಂದಾಯಿತ್ ನಿಕ್ಕೋಂಡೂಂದ್ ದೈರ್ಯ ಪರ್ಂದತ್.
ಸಭಾದ್ಟ್ಟೆಲ್ ಸಮಾಜ ಕಾರ್ಯಕಾರ ಅಯಿಲಪಂಡ ಸಂಜು ಬೆಳ್ಳಿಯಪ್ಪ, ಲೆಕ್ಕಪಟ್ಟಿಕಾರ ಬೊಳ್ಳಚಂಡ ಸನ್ನಿಮುತ್ತಣ್ಣ ಅವು ಇಂಜತ್.
ಮಕ್ಕಡ ಆಟ್ ಪಾಟ್, ಪೊಮ್ಮಕ್ಕಡ ಉಮ್ಮತಾಟ್,ಕಳಿ ತೆಳಿ ಇಂಜತ್.
ಪರೀಕ್ಷೆಲ್ ನಲ್ಲೋಣೆ ಮಾರ್ಕ್ ಎಡ್ಪ ಸದಸ್ಯಂಗಡ ಮಕ್ಕಳ ತೊಮ್ಮಾನ ಮಾಡ್ಚಿ. ಸಮಾಜ ಸೇವೆಲ್ ತಂಗಳ ಕೂಟಿಯಂಡಿತುಳ್ಳ ಪೆರಿಯ ಸದಸ್ಯ ಬಲ್ಲಾರಂಡ ಜಾಲಿ ತಿಮ್ಮಯ್ಯಅಯಿಂಗಳ ತೊಮ್ಮಾನ ಮಾಡ್ಚಿ.
ಕಾರ್ಯಕಾರ ಅಯಿಲಪಂಡ ಸಂಜು ತಕ್ಕಾರ ಬಯಂದಕ, ಕೂಡ್ಕಾರ್ಯಕಾರ ಮೈಂದಪಂಡ ಜಗದೀಶ ಅವು ತೊತ್ತ್ ಬಂಯಂದಂಡತ್. ನಂದಿನೆರವಂಡ ಅನಿತಜಗದೀಶ್, ಚರ್ಮಂದಂಡ ಪ್ರಕಾಶ್ಪಳಂಗಪ್ಪ ಪಿಂಞ ಅಲ್ಲಾರಂಡ ಹೇಮಾವತಿ ಅವು ಕುಯ್ಯಳೆ ಕೂಟ್ಚಿ.