ಪುದಿಕೇರಿ, ಜ.24: ಕೊಡವ ಒಕ್ಕಡೊಕ್ಕಡ ನಡುಲ್ ನಡ್ಪ ಚಕ್ಕೆರ ಕಪ್ ಕ್ರಿಕೇಟ್ ಕಳಿ ನಮ್ಮೆರ ಮಾರೀಪತ್, ಕೊಡವ ತಕ್ಕ್‌ಲ್ ಎಳ್ತ್ ಪೈಪೋಟಿ ಏರ್ಪಟ್ ಮಾಡಿತ್.
ಕೊಡವ ಒಕ್ಕಡೊಕ್ಕಡ ಹಾಕಿ, ಕ್ರಿಕೇಟ್ ನಮ್ಮೆ ನಡ್ಂದ್ ಬಂದ ಪಿಂಞ ನಡ್ಪಕುಳ್ಳ ಬಟ್ಟೆ ಎಣ್ಣುವ ವಿಚಾರತ್, ನಾಲ್ ಪುಟ ಮೀರತನ್ನಕೆ, ಕೊಡವ ತಕ್ಕ್‌ಲ್ ಪ್ರಬಂಧ ಎಳ್ದೋಂಡು. ತೀರ್ಪುಕಾರಡ ಒತ್ತಾಸೆರ, ನಲ್ಲ ಮೂಂದ್ ಎಳ್ತ್‌ಕಾರಕ್ ಚಕ್ಕೆರ ಕಪ್ ಕಳಿ ನಮ್ಮೆಕ್ ಮೊಳಿ ಇಡುವಂದ್ ಇನಾಂ ಕೊಡ್ಪ. ಚಕ್ಕೆರ ಕಪ್ ಕ್ರಿಕೆಟ್ ನಮ್ಮೆ ಸಮಿತಿರ ತೀರ್ಮಾನವೇ ಆಕೀರಿ ಆಯಿತಿಪ್ಪ.
ಎಳ್ತ್ ಅಯ್ಪಕ್ ಆಖೀರಿ ನಾಳ್, ಮಾರ್ಚ್ 10. ಎಳ್ತ್‌ನ ಕುದ್ದಾಯಿತ್ ಸಮಿತಿಕಾರಡ ಕೈಕ್, ಇಲ್ಲೇಂಗಿ, ಚೆಕ್ಕೆರ ಕ್ರಿಕೇಟ್ ಕಮಿಟಿ, ಕೊಣಗೇರಿ ಗ್ರಾಮ, ಹುದುಕೇರಿ ಅಂಚೆ, ಪೊನ್ನಂಪೇಟೆ ತಾಲೂಕ್, ಕೊಡವು, -571249 ವಿಳಾಸಕ್ ಪೋಸ್ಟ್‌ಲೂ ಎತ್ತ್‌ಚಿಡೋಲು.
ಪೈಪೋಟಿಲ್ ಗೆದ್ದೈಂಗಕ್ ಆದ್ಯ7000, ದಂಡನೇ5000, ಮೂಂದನೆ 3000 ಇನಾಂ ಇಪ್ಪ. ಏರ ಅವರಿವುಕ್ 8453643808ಲ್ ಕೇಟರಿಯೋಲೂಂದ್ ಚೆಕ್ಕೆರ ಕಪ್ ಕ್ರಿಕೇಟ್ ನಮ್ಮೆ ಕೊರವುಕಾರ ಚೆಕ್ಕೆರ ಚಂದ್ರಪ್ರಕಾಶ್ ಅವು ಅರಿಚಿಟ್ಟಿತ್.
