ಸೋಮವಾರಪೇಟೆ, ಡಿ.22: ಕೊಡವಡ ಕಾರ್ಯಭೀರ್ಯಕ್ ಬಲ್ಯಮನೆರ ಪೋಲೆ ಮಂಡೆನೇತಿ ನೆಲೆ ನಿಂದ್ ಕೈಂಜ 50 ಕಾಲತೊಟ್ಟ್ ಕಾರ್ಬಾರ್ ಮಾಡ್ಯಂಡುಳ್ಳ ಸೋಮವಾರಪೇಟೆ ಕೊಡವ ಸಮಾಜ ತಾಂಡ 50ನೇ ಕಾಲತ ನೆಪ್ಪುರ ಪೊನ್ನ್ ನಮ್ಮೆನ ಡಿಸೆಂಬರ್ 24 ಪಿಂಞ 25ಲ್ ಸಮಾಜತ್ ನಡ್ತುವ.
1974ಲ್ ಮೊಳಿಯಾನ ಸೋಮವಾರಪೇಟೆ ಕೊಡವ ಸಮಾಜ, ಇಂದಿಕ್ಕ ತಾಂಡ 50ನೇ ಕಾಲನ ನಲ್ಲೋಣೆ ಕೈಚಿತ್ 51ನೇ ಕಾಲಕ್ ಮೊಟ್ಟ್ ಇಟ್ಟಿತ್. ಬೊಳಂದಂಡ ಉತ್ತಯ್ಯ, ಮುಕ್ಕಟಿರ ಮಾದಪ್ಪ, ಮಲಚಿರ ಮಾಚಯ್ಯ, ಮಣವಟ್ಟಿರ ಅಯ್ಯಣ್ಣ, ಮಾಳೇಟಿರ ತಿಮ್ಮಯ್ಯ, ಮೋಟನಾಳಿರ ಕಾರ್ಯಪ್ಪ, ಕಾರ್ಯಪ್ಪಂಡ ಕಾಳಪ್ಪ, ಪೆಮ್ಮಂಡ ಪೂಣಚ್ಚ, ಪಾಸುರ ಮುತ್ತಪ್ಪ, ಬಿದ್ದಾಟಂಡ ಬೋಪಯ್ಯ, ಹಂಚೆಟ್ಟಿರ ಚೆಂಗಪ್ಪ, ಮಚ್ಚಂಡ ನಾಚಪ್ಪ ಅವು ಕೂಡಿತ್ ಆದ್ಯ ಮೊಳಿ ಇಟ್ಟ ಈ ಕೊಡವ ಸಮಾಜಕ್ ಅಂದ್ ಜಾಗ ಹಂಚೆಟ್ಟಿರ ಕುಟ್ಟಪ್ಪ ಅವು ದಾನ ಮಾಡ್ನ 40 ಸೆಂಟ್ ಜಾಗತ್ ಎದ್ದ್ ನಿಂದಿತುಳ್ಳ ಕೊಡವ ಸಮಾಜಕ್ ನಾಳಿಯಂಡ ಈಶ್ವರಿ ಮೇದಪ್ಪ ಅವು ಕೊರವುಕಾರ್ತಿ ಆಯಿತಿಪ್ಪಕ ನಲ್ಲೋರ್ ಕಟ್ಟಡ ಕೆಟ್ಟುವಕ್ ನೈಚತ್, ಅಲ್ಲಿಂಜ ಬೊಳ್ಳಂಡ ಆವೇರಪ್ಪ ಅವು ಕೊರವುನಾಯಿತ್ ಕಾರ್ಬಾರ್ ಮಾಡ್ನಕ, 2008ಲಿಂಜ ಇಪ್ಪರಕ್ ಮಾಳೇಟಿರ ಅಭಿಮನ್ಯು ಕುಮಾರ್ ಅವು ಕೊರವುಕಾರನಾಯಿತ್, ಸಮಾಜತ ನೇರ್ ನಲ್ಲಾಮೆಕ್ ನೈಚಂಡುಳ್ಳದೇ ಅಲ್ಲತೆ, ಚೌಡ್ಲುಲ್ ಸುಮಾರ್ 2+ ಏಕರೆರಚ್ಚಕ್ ಸ್ವಂತ ಜಾಗ ಎಡ್ತಿತ್, ಅಲ್ಲಿ ನಲ್ಲೋರ್ ಚುಟ್ಟ್ಂಗಳ ಮಾಡಿತ್ ಚತ್ತಲ್ಲಿಯೂ ಕೊಡವಕ್ ಕೊಡವಾಮೆಕೊತ್ತ ಮರ್ಯಾದಿರ ಕ್ರಯೆ ಆಪನ್ನಕೆ ಮಾಡ್ನದಲ್ಲತೆ ಬಾಕಿ ಜಾಗತ್ ಪಲತರ ಸಾಯ ಆಪನ್ನತ ಕಟ್ಟಡ ಕೆಟ್ಟುವ ಗ್ಯಾನತೂ ಉಂಡ್.
ಇನ್ನನೆ ನಡ್ಂದ್ ಬಂದ ಸೋಮವಾರಪೇಟೆ ಕೊಡವ ಸಮಾಜ ಇಂದಿಕ್ಕ ಪೊನ್ನ್ ನಮ್ಮೆರ ನ್ಯಾರತುಂಡ್. ನಾಳಂಕೆ 24ನೇ ಡಿಸೆಂಬರ್ 2024ನೇ ಚೊವ್ವಾಚೆ, ಪೊಲಾಕ 9.30 ಗಂಟೆಕ್ ಸೋಮವಾರಪೇಟೆ ಕೊಡವ ಸಮಾಜತ್ರ ಚೌಡ್ಲು ಜಾಗತ್ಲ್ (ಅಲೆಕಟ್ಟೆ ರಸ್ತೆ) ತರಾವರಿ ಕಳಿಕೂಟತೋಡೆ ಮೊಳಿಯಾಪ ಆಯಿಮೆಲ್ ಕೊರವುಕಾರಿಕೆನ ಮಾಳೇಟಿರ ಬಿ. ಅಭಿಮನ್ಯುಕುಮಾರ್ ಕೊರವುಕಾರ ಸೋಮವಾರಪೇಟೆ ಕೊಡವ ಸಮಾಜ ಅವು ಎಡ್ತಂಡಕ, ಕರ್ನಾಟಕ ಸರ್ಕಾರತ ಮಾಜಿ ಕ್ರೀಡಾ ಪಿಂಕ್ ಯುವಜನ ಮಂತ್ರಿ, ಮಂಡೇಪಂಡ ಪಿ. ಅಪ್ಪಚ್ಚುರಂಜನ್ ಅವು ಮೊಳಿ ಇಡುವ. ಮುಖ್ಯಬೆಂದುವಳಾಯಿತ್ ಪುಲಿಯಂಡ ರಾಮ್ ದೇವಯ್ಯ ಅಧ್ಯಕ್ಷ, ಐಶ್ವರ್ಯ ಕಾಲೇಜ್, ಗುಡ್ಡೆಹೊಸೂರು, ಕುಶಾಲನಗರ,ಅವು ಕೂಡಿಯಾಡುವ.
02/12/24ನೇ ಪದ್ನಾಚೆ ಸೋಮವಾರಪೇಟೆ ಕೊಡವ ಸಮಾಜ ಬಾಡೆಲ್ ನಡ್ಪ ಆಯಿಮೆಕ್, ಕೊಡಗು-ಮೈಸೂರು, ಸಂಸದಂಗಳಾನ ಯಧುವೀರ ಕೃಷ್ಣದತ್ತ ಚಾಮರಾಜ ಒಡೆಯರ್ ಅವು ಮೊಳಿ ಇಟ್ಟಕ, ಮಾಳೇರ ಬಿ ಅಭಿಮನ್ಯುಕುಮಾರ್ ಅಧ್ಯಕ್ಷ ಸೋಮವಾರಪೇಟೆ ಕೊಡವ ಸಮಾಜ ಅಯಿಂಗಡ ಕೊರವು ಕಾರಿಕೆಲ್ ನಡ್ಪ ಈ ಆಯಿಮೆಲ್ ಖನಪಟ್ಟ ಬೆಂದುವಳಾಯಿತ್, ಜಸ್ಟಿಸ್ ಶ್ರೀ ಚೆಪ್ಪುಡಿರ ಪೂಣಚ್ಚ, ಕರ್ನಾಟಕ ಉಚ್ಚ ನ್ಯಾಯಾಲಯತ್ರ ನ್ಯಾಯಮೂರ್ತಿ, ಬೆಂಗಳೂರು. ಶ್ರೀ ಅಜ್ಜಿಕುಟ್ಟಿರ ಎಸ್ ಪೊನ್ನಣ್ಣ, ಸನ್ಮಾನ್ಯ ಮುಖ್ಯಮಂತ್ರಿಯಡ ಕಾನೂನ್ ಸಲಹೆಗಾರ ಪಿಂಞ ವಿರಾಜಪೇಟೆ ಶಾಸಕ, ಡಾ ಮಂಥರಗೌಡ, ಶಾಸಕ ಮಡಿಕೇರಿ ಕ್ಷೇತ್ರ, ಮಂಡೇಪಂಡ ಸುಜಾ ಕುಶಾಲಪ್ಪ, ವಿಧಾನ ಪರಿಷತ್ ಸದಸ್ಯ ಮೇರಿಯಂಡ ನಾಣಯ್ಯ, ಮಾಜಿ ಕಾನೂನು ಪಿಂಗ್ ಸಂಸದೀಯ ಮಂತ್ರಿ, ಕರ್ನಾಟಕ ರಾಜ್ಯ, ಮಂಡೇಪಂಡ ಅಪ್ಪಚ್ಚು ರಂಜನ್, ಮಾಜಿ ಕ್ರೀಡಾ ಪಿಂಞ ಯುವ ಜನ ಸೇವಾ ಮಂತ್ರಿ, ಕರ್ನಾಟಕ ರಾಜ್ಯ, ಮುರುವಂಡ ಅಯ್ಯಪ್ಪ, ಮಾಜಿ ಐ.ಎ.ಎಸ್. ಅಧಿಕಾರಿ ಬೆಂಗಳೂರು, ಅಜ್ಜನಿಕಂಡ ಸಿ ಮಹೇಶ್ ನಾಚಯ್ಯ, ಅಧ್ಯಕ್ಷ ಕರ್ನಾಟಕ ಕೊಡವ ಸಾಹಿತ್ಯ ಅಕೆಡಮಿ, ಮಡಿಕೇರಿ, ಪದ್ಮಶ್ರೀ ಐಮುಡಿಯಂಡ ರಾಣಿ ಮಾಚಯ್ಯ, ಜಾನಪದ ಕಲಾವಿದೆ, ಪದ್ಮಶ್ರೀ ಮಚ್ಚಂಡ ಶ್ರೀ ರೋಹನ್ ಬೋಪಣ್ಣ ಅಂತರಾಷ್ಟ್ರೀಯ ಟೆನ್ನಿಸ್ ಕಳಿಕಾರ, ಐಮುಡಿಯಂಡ ಶ್ವೇತಾ ಚಂಗಪ್ಪ, ಚಲನಚಿತ್ರ ನಟಿ ಬೆಂಗಳೂರು, ಕುಪ್ಪಂಡ ಛಾಯ ನಂಜಪ್ಪ, ಉದ್ಯಮಿ, ಪಿಂಞ ಸಮಾಜ ಸೇವಕಿ, ಮೈಸೂರು, ಕಳ್ಳಿಚಂಡ ವಿಷ್ಣು ಕಾರ್ಯಪ್ಪ, ಅಧ್ಯಕ್ಷ ಫೆಡರರೇಶನ್ ಆಫ್ ಕೊಡವ ಸಮಾಜ, ಎಸ್ ಜಿ ಮೇದಪ್ಪ, ಮಾಜಿ ಸದಸ್ಯ, ವಿಧಾನ ಪರಿಷತ್, ಕರ್ನಾಟಕ ರಾಜ್ಯ, ಕೊಡಂದೇರ ಬಾಂಡ್ ಗಣಪತಿ, ಅಧ್ಯಕ್ಷ, ಡಿಸಿಸಿ ಬ್ಯಾಂಕ್ ಕೊಡಗ್, ಮುದ್ದಂಡ ಅಧ್ಯಾ ಪೂವಣ್ಣ, ಸಿನಿಮಾ ಕಲಾವಿದ, ಬೆಂಗಳೂರು, ತೀತಿರ ರೋಷನ್ ಅಪ್ಪಚ್ಚು, ಚೀಫ್ ಎಲೆಕ್ಟಿಕಲ್ ಇನ್ಸ್ಪೆಕ್ಟರ್ ಟು ಗೌರ್ನಮೆಂಟ್ ಆಫ್ ಕರ್ನಾಟಕ ಅವು ಕೂಡಿಯಾಡುವ.
ಈ ಘಳಿಗೆಲ್ ಸಮಾಜಕ್ ಜಾಗದಾನ ಮಾಡ್ನ ಹಂಚೆಟ್ಟಿರ ಕುಟ್ಟಪ್ಪ ಅಯಿಂಗಡ ಮೋಂವೋ ಪಿಂಞ ಸಂಸಾರಕಾರಳಾನ ಹಂಚೆಟ್ಟಿರ ಮುತ್ತಣ್ಣ ಪಿಂಞ ಫ್ಯಾನ್ಸಿ ಮುತ್ತಣ್ಣ ಅಯಿಂಗಳ ತೊಮ್ಮಾನ ಮಾಡುವದುಂಡ್.
ಅಂದ್ ಪಲತರ ಆಟ್ ಪಾಟ್, ಕಳಿ ತೆಳಿ, ತಕ್ಕ್ ಬಾಕ್, ಗ್ಯಾನೋಲೆ ಬೊಳಿಬೂಕುವೊ, ಕೊದಿಮೊದ, ಇನಾಂ ಬಳಂಬುವ ಕೂಡ್ನನಕೆ ತರಾವರಿ ಕಾರ್ಬಾರ್ನನ ಅಂದೋಡೆ ನಡ್ತುವಕ್ ಸಮಾಜ ಕೈತೆಕ್ಕಿತ್ ನಿಂದಿತ್.