ಪುದಿಕೇರಿ, ಫೆ.14: ಅಖಿಲ ಕೊಡವ ಸಮಾಜ ಸಮಾಜತ ಮುಂಬುಲ್ ಬೋರೆ ಬೋರೆ ಕೊಡವ ಸಂಘಟನೆಯಡ ಮೂಪಂಗ, ಶಾಸಕ ಪಿಂಞ ಮುಖ್ಯ ಮಂತ್ರಿರ ಕಾನೂನ್ ಅರಿವುಕಾರ ಅಜ್ಜಿಕುಟ್ಟಿರ ಎಸ್. ಪೊನ್ನಣ್ಣ ಅಯಿಂಗಳ ಕಂಡಿತ್ ಇಪ್ಪರಕ್ ಕೊಡವು ಪಿಂಞ ಕೊಡವ ಭಾಷಿಕ ಸಮುದಾಯತ ಮೀದ ಆಯಂಡುಳ್ಳ ತರಾವರಿ ಬೊಳ್ಚೆರ ವಿಚಾರತ್, ಮನವಿ ಪತ್ರ ಕೊಡ್ತಿತ್ ತಕ್ಕ್ ಬಾಕ್ ಮಾಡ್ಚಿ.
ಈ ನ್ಯಾರತ್ ಕೈಂಜ ವಾರ ಅಖಿಲ ಕೊಡವ ಸಮಾಜತ ಮುಂಬುಲ್ ನಡ್ಂದ ಕಾಲ್ನಡ್ಪು ಪೋಕ್ಲ್, ಸಮುದಾಯಕಾರ ಕೂಡಿಯಾಡಿತ್, ಶಿಸ್ತ್ ಪಿಂಞ ಶಾಂತಿಬದ್ದವಾಯಿತ್ ನಡ್ಂದಂಡ್ ನಂಗಡ ಕೇಳಿನ ಇಂಞಚ್ಚಕ್ಕೂ ಪೆರ್ಪನ್ನಕೆ ಮಾಡಿತ್ಂದ್ ನಲ್ಲಾಮೆ ಬಯಂದದಲ್ಲತೆ, ನಿಂಗಡ ಮನವಿಕೊತ್ತನ್ನಕೆ ಕಾನೂನ್ ಪೋಲೆತ ಕ್ರಮಕ್ ಸರ್ಕಾರ ತಯಾರುಂಡ್ ಈ ನ್ಟ್ಟ್ಲ್ ನಾನ್ ಮುಂಬುಲಿಪ್ಪಿಂದ್ ಎಣ್ಣ್ದಲ್ಲತೆ, ಶಾಂತಿ, ಶಿಸ್ತ್ಕ್ ಪೆದ ಪೋಯಿತುಳ್ಳ ಕೊಡವುಲ್ ಏದೇ ಕಾರಣಕ್ಕೂ ಜಾತೀ, ಜನಾಂಗ, ಧರ್ಮತ್ರ ನಡುಲ್ ಒಡಕ್, ಜಗಳ ಬಕಣ, ಆಪಕ್ಕಾಗ. ಇದಂಗಾಯಿತ್ ನಂಗೆಲ್ಲರೂ ಕೂಡಿತ್ ತಕ್ಕ್ ಬಾಕ್ ಮಾಡಿತ್ ಜನಕ್ ನೆಮ್ಮದಿ ಕೊಡ್ಪನ್ನತ ಕೆಲಸ ಮಾಡನ, ಎಲ್ಲರೂ ಒತ್ತೋರ್ಮೆಲ್ ಪೋಕನಾಂದ್ ಎಣ್ಣ್ಚಿ.
ಅಖಿಲಕೊಡವ ಸಮಾಜ ಕೊರವುಕಾರ ಪರದಂಡ ಸುಬ್ರಮಣಿ ಅಯಿಂಗಡ ಮುಂಬುಲ್ ನಡ್ಂದ ಈ ಮೋಪುಲ್ ಬೋರೆ ಬೋರೆ ಕೊಡವ ಮೂಪಂಗ ಕೂಡಿಯಾಡಿತಿಂಜತ್.