ಸೋಮವಾರಪೇಟೆ, ಡಿ.07: ಅಂಜಲಿಂಜ ಏಳ್ ಬಯತ್ರೊಳಿಯತ ರಾಷ್ಟ್ರ ಮಟ್ಟ 62ನೇ ರೋಲರ್ ಇನ್ ಲೈನ್ ಸ್ಖೇಟಿಂಗ್ ಪೈಪೋಟಿರ 600ಮೀಟರ್ ವಿಭಾಗತ್, ಕೋಟೆರ ಡಿವಿನ್ ಗಣಪತಿ, ಕರ್ನಾಟಕ ರಾಜ್ಯತ ಪರ ಕೂಡಿಯಾಡಿತ್, ದಂಡನೇ ಇನಾಂರ ಕೂಡೆ ಬೊಳ್ಳಿ ಪದ್ಕ ಗೆದ್ದಿತ್ ಕೇಳಿ ಕೋಂದಿತ್.
ದೇಶತ 28 ರಾಜ್ಯತಿಂಜ ಕೂಡಿಯಾಡಿತಿಂಜ ಈ ಪೈಪೋಟಿಲ್ ಕರ್ನಾಟಕತಿಂಜ ಒಬ್ಬನೇ ಪೈಪೋಟಿಕಾರಾನಾಯಿತ್ ಪೋಯಿತ್ ನಾಡ್ಕ್ ಪೆರ್ಮೆ ಕೋಂದಿತ್.
ಸೋಮವಾರಪೇಟೆರ ಆಲೂರ್ ಸಿದ್ದಾಪುರ ಪಕ್ಕತ ಸಂಗಯ್ಯನಪುರತ್ ಉಳ್ಳ ಕೋಟೆರ ರೋಷನ್ ಪಿಂಞ ಲವಲಿ ಧರ್ಮಾವತಿ ಅಯಿಂಗಡ ಮೋಂವನಾನ ಕೋಟೆರ ಡಿವಿನ್ ಗಣಪತಿ, ಈಂಗ್ ಮುಪ್ಪಡೆ ನಾಪದನೇ ಕರ್ನಾಟಕ ರಾಜ್ಯ ರೋಲರ್ ಸ್ಕೇಟಿಂಗ್ ಚಾಂಪಿಯನ್ ಷಿಪ್ರ 400 ಮಿ. ಪಿಂಞ 600ಮಿ. ದಂಡೂ ವಿಭಾಗತ್, ಕೂಡಿಯಾಡಿತ್ ದಂಡ್ ಪೊನ್ನ್ರ ಪದ್ಕ ಪಡ್ಂದಿತ್ ರಾಷ್ಟ್ರೀಯ ಸ್ಕೇಟಿಂಗ್ ವಿಭಾಗತ ಇನ್ಲ್ಯನ್ ಸ್ಕೇಟಿಂಗ್ ವಿಭಾಗತ್ ಕರ್ನಾಟಕ ರಾಜ್ಯತ ಪರ ಕೂಡಿಯಾಡ್ಯಂಡ್ ಉಂಡ್.