ಮರಗೋಡ್‌, ಅ.08: ಕೇಳಿ ಪೋನ ಮೈಸೂರ್‌ ದಸರ ಮಾರೀಪತ್‌ ಲಲಿತ ಕಲೆ ಪಿಂಞ ಕರಕುಶಲ ಕಲೆ ಉಪಸಮಿತಿ ಪೈಪೋಟಿ ಪಿಂಞ ಪ್ರದರ್ಶನತ ವೃತ್ತಿಪರ ವಿಭಾಗತ್, ಕೊಡವುರ ಮರಗೋಡ್‌ಕಾರಳಾನ, ಐಮಂಡ ನಾಣಯ್ಯ ದಿ. ಗೌರಮ್ಮ ಅಯಿಂಡ ಮೋವೋ, ರೂಪೇಶ್ ಅಯಿಂಗ ಕುರ್ಕ ನೀರ್‌ರಂಗ್‌ರ “ಡೆಕ್ಸ್ಟ ರಿಟಿ” ಕಲಾಕೃತಿಕ್ ಬಿರ್ದ್ ದಕ್ಕಿತ್.
ನಾಳಂಕೆ: 7-10.2024ರಂದು ನಡಂದ್‌ ಆಯಿಮೆಲ್‌, ಐಮಂಡ ರೂಪೇಶ್ ನಾಣಯ್ಯ ಅವು ಈ ಬಿರ್ದ್ ಪಡ್ಂದಂಡತ್. ಚಿತ್ರಕಲೆ ವಿಭಾಗತ್ ಪೈಪೋಟಿಲ್‌, ಸುಮಾರ್ 350ಕ್ಕೂೇರ ಪೈಪೋಟಿಕಾರ ಇಂಜತ್..
ಆಯಿಮೆಲ್‌, ಮಾನ್ಯ ಶಾಸಕ ಶ್ರೀ ತನ್ವೀರ್ ಸೇಠ್, ಪಿಂಞ ಕೇಳಿಪೋನ ಕಲಾಕಾರ ಡಾ. ಅರುಣ್ ಯೋಗಿ ರಾಜ್, ಮೈಸೂರು ಮಹಾನಗರ ಪಾಲಿಕೆ ಆಡಳಿತಾಧಿಕಾರಿ, ಶ್ರೀ ಡಿ. ಎಸ್. ರಮೇಶ್, ಮೈಸೂರು ಪ್ರಾದೇಶಿಕ ಆಯುಕ್ತ, ಲಕ್ಷ್ಮಿ ಕಾಂತ ರೆಡ್ಡಿ, ದಸರಾ ವಿಶೇಷಾಧಿಕಾರಿ ಪಿಂಞ ಜಿಲ್ಲಾಧಿಕಾರಿ, ಶ್ರೀಮತಿ ಕವಿತಾರಾಜರಾಮ, ಅಪಾರ ಪ್ರಾದೇಶಿಕ ಆಯುಕ್ತ, ಶ್ರೀ. ದೇವರಾಜ್.ಎ., ಪುರಾತತ್ವ ಸಂಗ್ರಾಲಯ ಪಿಂಞ ಪರಂಪರೆ ಇಲಾಖೆ ಡೀನ್, ಕಾವಾ, ಕಾರ್ಯಧ್ಯಕ್ಷ ಬಿಂದುರಾಯ ಆರ್. ಬಿರಾದರ್, ಕಾರ್ಯದರ್ಶಿ ಜಯಶಂಕರ್ ಹೆಚ್.ಎನ್ ಪಿಂಞ ಚಾಮರಾಜೇಂದ್ರ ಸರ್ಕಾರಿ ದೃಶ್ಯ ಕಲಾ ಅಕಾಡೆಮಿರ ಸಿಬ್ಬಂದಿ ವರ್ಗತ್‌ರ ಕೂಡ್‌ ಕೂಟತ್ ಆಯಿಮೆ ನಡ್ಂದತ್.
ಈ ಮುಪ್ಪಡೆ, ಐಮಂಡ ರೂಪೇಶ್ ನಾಣಯ್ಯ ಅಯಿಂಗಕ್ 1999ರ ದಸರಾ ಚಿತ್ರಕಲಾ ಪೈಪೋಟಿ ವಿಭಾಗತೂ ಬಿರ್ದ್ ಧಕ್ಕಿತಿಂಜತ್.
