ಟಿ. ಶೆಟ್ಟಿಗೇರಿ, ಡಿ.04: ಇಕ್ಕಾಯಿತ್ ಮೂರ್ನಾಡ್ಲ್ ನಡ್ಂದ ಕೊಡಗು ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಆದನೆರ, ಹೋಬಳಿ ಮಟ್ಟತ ಕನ್ನಡ ರಾಜ್ಯೋತ್ಸವ ಆಯಿಮೆಲ್, ಪೆರಿಯ ಸಾಹಿತಿ ಉಳುವಂಗಡ ಕಾವೇರಿ ಉದಯ ಅಯಿಂಗಡ ಪವಿತ್ರ ಪ್ರೀತಿ ಪ್ರಾಪ್ತಿ ಎಣ್ಣುವ ಕನ್ನಡ ಕಾದಂಬರಿನ, ಪೆರಿಯ ಸಾಹಿತಿ, ವಿಮರ್ಶಕ ಕಿಗ್ಗಾಲು ಗಿರೀಶ್ ಅವು ಬೊಳಿಕ್ ಬೂಕ್ಚಿ. ಈ ನ್ಯಾರತ್ ಕೊಡಗ್ ಜಿಲ್ಲಾ ಕಸಾಪ ಕೊರವುಕಾರ ಎಂ. ಪಿ. ಕೇಶವ ಕಾಮತ್, ಮೂರ್ನಾಡ್ ಹೋಬಳಿ ಕೊರವುಕಾರಿ ಈರಮಂಡ ಹರಿಣಿ ವಿಜಯ್ ಕೂಡ್ನನಕಡ ಖನ ಪಟ್ಟವು ಹಾಜರಿಂಜತ್.
ಪವಿತ್ರ ಪ್ರೀತಿ ಪ್ರಾಪ್ತಿ ಎಣ್ಣುವದ್ ಉಳುವಂಗಡ ಕಾವೇರಿ ಉದಯ ಅಯಿಂಗಡ 28ನೇ ಪುಸ್ತಕ ಈಂಗ್ ಮುಪ್ಪಡೆ ಇವು, ಕೊಡವ ತಕ್ಕ್ಲ್ 15, ಕನ್ನಡತ್ 08, ಇಂಗ್ಲೀಷ್ಲ್ 2, ಹಿಂದಿಲ್ 01 ಪಿಂಞ ಮಲಿಯಾಳತ್ 01 ಒಟ್ಟು 27 ತರಾವರಿ ಪುಸ್ತಕ ಬೊಳಿ ಕಂಡಿತ್.
