ಮಾದಾಪುರ, ಜ.13: (ತಂಬುಕುತ್ತಿರ ರೇಖಾಸೋಮಯ್ಯ) ಶ್ರೀ ಕಾವೇರಿ ಕೊಡವ ಕೂಟ ಮಾದಾಪುರತ ಆದನೆಲ್‌, ಪುತ್ತರಿ ಒತ್ತೋರ್ಮೆ ಕೂಟ ಅಂದೋಡೆ ನಡ್ಂದತ್‌,
ಸಂಘತ ಕೊರವುಕಾರ ಜಗ್ಗಾರಂಡ ದೇವಯ್ಯ, ಅಯಿಂಗಡ ಆಯಿಮೆಲ್‌, ಪೆರಿಯೈಂಗಳಾನ ತಂಬುಕುತ್ತಿರ ಬಿದ್ದಪ್ಪ ಅವು ಕಾರೋಣಂಗಕ್‌ ಅಕ್ಕಿ ಇಟ್ಟಿತ್‌ ನೇರ್ಚೆ ಕಟ್ಟಿತ್‌, ಕೊಡವಾಮೆರ ಕೋವುಲ್‌ ಒಂದ್‌ ತೊಟ್ಟ್‌ ನೂರಾಲೂ ನಂದಾಯಿ ಕಾಂಗಂಡ್ಂದ್‌ ಬೋಡ್ಯಂಡತ್. ತಕ್ಕ್‌ ಬಾಕ್‌, ಕಳಿ ತೆಳಿ, ಆಟ್‌ ಪಾಟ್‌ ಎಡಮೇಂಗಿತ್‌ ನಡ್ಂದ ಒತ್ತೋರ್ಮೆ ಕೂಟತ್‌, ಕೊಡವ ಮೂಲಕೊತ್ತ ಜಾನಪದೀಯ ಉಮ್ಮತಿರುವೊ ಆಯಿಮೆ ಕೂಡಿಬಂದೈಂಗಕ್‌ ಏರ ಪೊದಕಂಡತ್. ಕೂಡ್‌ನ ಎಲ್ಲಾರ್ಕೂ ಕೊಡವಾಮೆಕೊತ್ತ ಊಟೋಪಚಾರ ಇಂಜತ್.
ಆಯಿಮೆಲ್‌ ಸಂಘತ್‌ರ ಖನಪಟ್ಟ ಕೊರವುಕಾರ ಅಡ್ಡಂಡ ಚೀಯಣ್ಣ, ಕೂಡ್‌ಕೊರವುಕಾರಿ ತಂಬುಕುತ್ತಿರ ರೇಖಾ ಸೋಮಯ್ಯ, ಕಾರ್ಯಕಾರಿ ಮುಕ್ಕಾಟಿರ ತಂಗಮ್ಮ, ಲೆಕ್ಕಪಟ್ಟಿಕಾರ ಮೇದುರ ನಾಣ್ಯಪ್ಪ, ಕೂಟ್‌ಕಾರ್ಯಕಾರ ಮೋರ್ಕಂಡ ನಾಣ್ಯಪ್ಪ, ಕೂಡ್‌ನನಕೆ ಕೂಟಾಳಿಯ, ಬೆಂದು ಚಂಙಾದಿಯ ಊರ್‌ ನಾಡ್‌ಕಾರ ಕೂಡಿಯಾಡಿತಿಂಜತ್.
