ಬೆಂಗಳೂರ್; ಜು.07: (nadubadenews): ಬೆಂಗಳೂರ್ ಕೊಡವ ಸಮಾಜ ಮಿಂಞತ ಮೂಂದ್ ಕಾಲತ ಆಡಳಿತ ಮಂಡಳಿಕ್ ಚೆನ್ನಂಗೇ ದಿನತ್ ಚುನಾವಣೆ ನಡ್ಪದುಂಡ್. ಈ ಪೈಪೋಟಿಕ್ ಇಕ್ಕಾಕಲೆ ದಂಡ್ ಕೂಟ್ಕಾರ ತಂಗಡ ಪೈಪೋಟಿಕಾರಡ ಪೆದತ್ನೂ ಸಾರಿತ್, ಬಲ್ಯ ಮಟ್ಟತ್ ತಯಾರಿನೂ ಮಾಡ್ಯಂಡುಂಡ್. ಇದಂಡ ಮದ್ಯತ್ ಸದ್ದಿಲ್ಲತೆ ಮೂಂದನೇ ಕೂಟ್ ಒಂದ್ ಪೈಪೋಟಿಕ್ ಇಳಿವಕುಳ್ಳ ತಯಾರಿನ ಕರೆಮರೆಲ್ ಮಾಡ್ಯಂಡುಳ್ಳ ಸುದ್ದಿ ನಂಬಿಕೆರ ಮೂಲತಿಂಜ ಬಂದಿತ್.
ಸಮಾಜ ಆಡಳಿತ ವ್ಯವಸ್ಥೆನ ಇಂಞಚ್ಚಕೂ ಬಲಕೂಟುವ ಮಾರೀಪತ್, ಸಮಾಜಕಾಯಿತ್ ನೈಚ ಪೆರಿಯವು, ಮಾಜೀ ಅಧ್ಯಕ್ಷಂಗ, ಮಾಜೀ ಪದಾಧಿಕಾರಿಯ, ಇಕ್ಕ ಉಳ್ಳವೂ ಕೂಡ್ನನಕೆ ಸುಮಾರಾಳ್ ಕೂಡ್ಯಂಡ್ ಕರೆಮರೆಲ್ ಭಾರೀ ತಕ್ಕ್ಬಾಕ್, ಮೋಪುಕೂಟ್ ಮಾಡ್ಯಂಡ್, ಬಲ್ಯ ತಯಾರಿ ಮಾಡ್ಯಂಡುಂದೂ, ದಾರೆಲ್ಲ ಪೈಪೋಟಿಕ್ ಇಳಿಯೊಂಡು, ಎನ್ನೆಲ್ಲ ಕಾರ್ಬಾರ್ ಮಾಡೋಂಡೂ ಎಣ್ಣುವ ಏತುಲ್, ಬೆಂಗಳೂರ್ ಪಿಂಞ ಕೊಡವುಲೂ ತರಾವರಿ ಮೋಪು ನಡ್ಂದಿತ್, ಆಖೀರಿಕ್ ಓರ್ ಕೂಟ್ನ ತಯಾರ್ ಮಾಡಿತ್ ಪರಿಸ್ಥಿತಿ ಕಾಲನ್ಯಾರ ನೋಟಿತ್ ಕಳಕ್ ಇಳಿವದಾ, ಬೋಂಡವಾ ಎಣ್ಣುವನ ಪೆರಿಯೈಂಗಡ ಪಿಂಞ ಸದಸ್ಯಂಗಡ ಇರಾದೆ ಪೋಲೆ ತೀರ್ಮಾನಕ್ ಬಪ್ಪಾಂದ್ ಅರ್ಂಜಿ ಬಂದಿತ್.
ಒಟ್ಟಾರೆ ಆಯಿತ್ ಬೆಂಗಳೂರ್ ಮಾತ್ರ ಅಲ್ಲತೆ, ಉಲಗತ್ಡಿಯ ನೆಲೆನಿಂದ ಕೊಡವಕ್ ಬೋಟಿಕಂಬತ ಪೋಲೆ ಉಳ್ಳ ಬೆಂಗಳೂರ್ ಕೊಡವ ಸಮಾಜ, ಮಿಂಞತ ಕೊರವುಕಾರಿಕೆ ದಾರ್ ಮಾಡೋಂಡೂ ಎಣ್ಣೋ ತಕ್ಕ್ಬಾಕ್ ಜೋರಾಯಿತೇ ಕೇಟಂಡುಳ್ಳಲ್ಲಿ, ಪೈಪೋಟಿಕಾರಳೂ ಅಚ್ಚಕೇ ಪುರ್ಡ್ಲ್ ನಾನ್ ತಾನ್ಂದ್ ಪೈಪೋಟಿ ಕಳಕ್ ನುಗ್ಗಿಯಂಡುಳ್ಳದ್, ಪ್ರಜಾಪ್ರಭುತ್ವ ಮಾದರಿರ ವ್ಯವಸ್ಥೆಕ್ ನಲ್ಲದೆ. ಆಚೇಂಗಿ ಈ ಪೈಪೋಟಿ, ಆಡಳಿತ ಮಂಡಳಿ ಚುನಾವಣೆಕ್ ಮಾತ್ರ ನಡ್ಕೊಂಡು. ಅದ್ ಬುಟ್ಟಿತ್ ಪೇಕ್ ಪೋರಮೆ, ಚೆಡಿಬುಡಿಕ್ ಬಟ್ಟೆಯಾಕತೆ ಒಕ್ಕಟ್ ಒತ್ತೋರ್ಮೆನ ಕಾತಂಡ್, ಎಂದ್ ಪೋಲೆ, ಎಲ್ಲಾರ್ಕೂ ಬಟ್ಟೆಬೊಳಿ ಆಯಿತಿಪ್ಪದ್ ಕೊಡವಾಮೆರ ಬೊಳ್ಚೆಕ್ ನಲ್ಲದ್ ಎಣ್ಣೋದ್ ಏರ ಪಾಲ್ ಜನಡ ಇರಾದೆ ಆಯಿತುಂಡ್.
This is a competition. Here nothing marsh singing. One who has more followers will succeed. Also look one who do not bring politics into our Samaja Election will lead in getting more votes. The aim of all is to develop Bangalore KS and encourage other sister Kodava Samaja to toe in line the aspirations of Bangalore KS. Altogether we need development & after election all nominees should shake hand forgetting the win & loss. After we are Kodava with one blood.