Nadubadenews, ಬಾವಲಿ, ಅ.13:( ಅರಿವು: ನಾಳಿಯಂಡ ಬಿದ್ದಪ್ಪ) ಕೇಳಿಪೋನ ಬಾವಲಿ ಪಟ್ಟಿಲ್ ಕೈಲ್ ಪೊಳ್ದ್ರ ನೆಪ್ಪುಲ್ ಇಂದ್ ಒತ್ತೋರ್ಮೆರ ಕಳಿಕೂಟ್ ನಡಂದತ್.
ಕೊಣಂಜಂಗೇರಿ ಪಾರಾಣೆರ, ಬಾವಲಿ ಪಟ್ಟಿಲ್ ಇಂದ್ ಪೊಲಾಕ ಕೂಡ್ನ ಊರ್ ಕೇರಿಕಾರ, ಆದ್ಯ ಭಗವತಿ ತಾಯಿಕ್ ಮಾಪೂಜೆ ಮಾಡಿತ್, ಕಳಿ ಕೂಟಕ್ ಮೊಳಿ ಇಟ್ಟತ್. ಪೊಮ್ಮಕ್ಕ, ಅಮಕ್ಕ, ಮಕ್ಕಕ್, ವಾಲಗತಾಟ್, ತೆಂಗೆ ಬೊಡಿ, ತೆಂಗೆಕ್ ಕಲ್ಲ್ಕನಿಪೊ ಕೇರ್ ಬಲಿ, ಓಟ್ , ಮ್ಯೂಸಿಕಲ್ ಚೇರ್ ಕೂಡ್ನನ್ನಕೆ ತರಾವರಿ ಕಳಿ ಕೂಟ್ ನಡ್ಂದತ್.
ಕೂಡಿತಿಂಜ ಊರ್ ಕೇರಿರ ಎಲ್ಲಾ ಮಾಜನ, ಕುಶೀಲ್ ಗೌಜಿರ ಊಟೋಪಚಾರತೋಡೆ ಕೂಡಿ ಪಿರ್ಂಜತ್.