ಪೊನ್ನಂಪೇಟೆ, ಡಿ.09: ತೂಕ್ ಬೊಳಕ್ ಕಲೆ, ಕ್ರೀಡೆ, ಸಾಹಿತ್ಯ ಅಕಾಡೆಮಿ(ರಿ) ವಿರಾಜಪೇಟೆ ಪಿಂಞ ಪೊನ್ನಂಪೇಟೆ ಕೊಡವ ಸಮಾಜತ್ರ ಸಾಕಾರತ್, ಕೊಡವ ವಾಲಗತ್ತಾಟ್ ನಮ್ಮೆ 2024 ಪಿಂಞ ದಿ. ಸಾಹಿತಿ ಮುಲ್ಲೇಂಗಡ ಬೇಬಿ ಜೋಂದಮ್ಮ ಅಯಿಂಗಡ ಮೂಂದನೇ ಕಾಲತ ನೆಪ್ಪುಲ್ ತಡಿ ದಾನ ದಾಖಲ್ ಕೋಪು ಬೈಷ್ಯ(ಆರೋಗ್ಯ ತಪಾಸಣೆ) ಪರೀಕ್ಷೆ, ನಾಳೆ 10-12-2024 ನೇ ಚೊವ್ವಾಚೆ ಪೊನ್ನಂಪೇಟೆ ಕೊಡವ ಸಮಾಜ ಮಾಡೆಲ್ ನಡ್ಪಾದ್, ಆಯಿಮೆರ ಮುಂದಾಳ್ ಮುಲ್ಲೇಂಗಡ ಮಧೋಷ್ ಪೂವಯ್ಯ ಅರಿಚಿಟ್ಟಿತ್.
ನಾಳೆ ಪೊಲಾಕ 10 ಗಂಟೆಂಜ, ಪೊನ್ನಂಪೇಟೆ ಕೊಡವ ಸಮಾಜತ್ ನಡ್ಪ ಈ ಆಯಿಮೆಕ್, ಮಾಜಿ ಶಾಸಕಿ ಶಾಂತೆಯಂಡ ವೀಣಾ ಅಚ್ಚಯ್ಯ ಅವು ಮೊಳಿ ಇಟ್ಟಕ, ಕೊರವು ಕಾರಿಕೆನ, ತೂಕ್ ಬೊಳಕ್ ಕಲೆ ಕ್ರೀಡೆ ಸಾಹಿತ್ಯ ಅಕಾಡೆಮಿ(ರಿ) ರ ಕೊರುಕಾರ ಮುಲ್ಲೇಂಗಡ ಶಂಕರಿ ಪೊನ್ನಪ್ಪ ಅವು ಎಡ್ತವ. ಖನಪಟ್ಟ ಬೆಂದುವಳಾಯಿತ್, ಮೇರಿಯಂಡ ಸಂಕೇತ್ ಪೂವಯ್ಯ, ಸದಸ್ಯ ಕರ್ನಾಟಕ ರಾಜ್ಯ ವನ್ಯಜೀವಿ ಸಂರಕ್ಷಣಾ ಸಮಿತಿ, ಚೆನ್ನಡಿರ ತಿಲಕ್ ಸುಬ್ಬಯ್ಯ, ಮಾಜಿ ಅಧ್ಯಕ್ಷ ಬೆಂಗಳೂರ್ ಕೊಡವ ಸಮಾಜ, ಕಾಳಿಮಾಡ ಮೋಟಯ್ಯ, ಅಧ್ಯಕ್ಷ ಪೊನ್ನಂಪೇಟೆ ಕೊಡವ ಸಮಾಜ, ಬ್ರಿಗೇಡಿಯರ್ ಜೇನಂಡ ಚೀಯಣ್ಣ, ನಿವೃತ್ತ ಸೇನಾಧಿಕಾರಿ ಬೆಂಗಳೂರ್, ಕುಕ್ಕೇರ ಜಯ ಚಿಣ್ಣಪ್ಪ, ಅಧ್ಯಕ್ಷ ಅರೆಕಾಡ್ ಕಲ್ಬರಲ್ ಪಿಂಞ ರಿಕ್ರಿಯೇಷನ್ ಕ್ಲಬ್, ಬಾನಂಗಡ ಅರುಣ ಎಡಿಎಲ್ಆರ್ ಸರ್ವೇ ಇಲಾಖೆ ಪೊನ್ನಂಪೇಟೆ ವಿರಾಜಪೇಟೆ, ಕುಂಡ್ಯೋಳಂಡ ದಿನೇಶ್ ಕಾರ್ಯಪ್ಪ, ಅಧ್ಯಕ್ಷ ಕೊಡಗ್ ಜಿಲ್ಲಾ ರೆಸಾರ್ಟ್ ಪಿಂಞ ಹೊಟೇಲ್ ಓನರ್ಸ್ ಅಸೋಸಿಯೇಷನ್, ಮುಲ್ಲೇಂಗಡ ಕಿಟ್ಟು ಕುಟ್ಟಪ್ಪ ನಿವೃತ ವಿದ್ಯಾಧಿಕಾರಿ, ಕೊಂಗಂಡ ಕಾಶಿ. ಸಮಾಜ ಸೇವಕಂಗ ವಿ. ಬಾಡಗ, ಡಾ|| ಯತಿರಾಜ್, ತಾಲೋಕ್ ವೈದ್ಯಾಧಿಕಾರಿ, ಸುಳ್ಳಿಮಾಡ ಗೋಪಾಲ್ ತಿಮ್ಮಯ್ಯ ಮಾಜಿ ಅಧ್ಯಕ್ಷ ಕೊಡವ ಸಮಾಜ ಪೊನ್ನಂಪೇಟೆ, ಪಾರುವಂಗಡ ಸನ್ನಿ ಮೊಣ್ಣಪ್ಪ, ಕಾರ್ಯದರ್ಶಿ ಪೆರಿಯ ನಾಗರಿಕ ವೇದಿಕೆ ವಿರಾಜಪೇಟೆ ಅವು ಕೂಡಿಯಾಡುವ ಮಾಜನ ಏರ ಕಣಕ್ಲ್ ಬಂದಿತ್ ಆಯಿಮೆನ ಅಂದೋಡೆ ನಡ್ತೋಕ್ ಕೈ ಕೂಟೋಂಡೂಂದ್ ತೂಕ್ ಬೊಳಕ್ ಕಲೆ ಕ್ರೀಡೆ ಸಾಹಿತ್ಯ ಅಕಾಡೆಮಿ(ರಿ) ರ ಕೂಟಾಳಿಯ ಕೇಟಂಡಿತ್.
