ಕೊಡವ ಒಕ್ಕಡೊಕ್ಕಡ, ಬೇರ್‌ ಬರ್ಕತ್ತ್‌ ಪೆರ್ತಿತ್‌, ಒಕ್ಕಟ್ಟ್‌ ಒತ್ತೋರ್ಮೆ ನೇಡೊಕ್ಕಾಯಿತ್‌ ಮೊಳಿ ಇಟ್ಟ , ಒಕ್ಕಡಒಕ್ಕಡ ನಡುವತ, ಮಲ್ಲಮಾಡ ಕಪ್‌ ವಾಲಿಬಾಲ್‌ ಕಳಿ ನಮ್ಮೆ 12/10/24 ಪಿಂಞ 13/10/24, ನಾಳೆ ಪಿಂಞ ಮತ್ಯಾಂದ್‌ ಬೆಕ್ಕೆಸೊಡ್ಲೂರ್‌, ಶಾರದಾ ಸ್ಕೂಲ್‌ ಪರಂಬುಲ್‌ ನಡ್ಪ.
ಇದೇ ಆದ್ಯ ಕೊಡವ ಒಕ್ಕಡೊಕ್ಕಡ ನಡುವತ ಈ ವಾಲಿಬಾಲ್‌ ನಮ್ಮೆಲ್‌ ಒಟ್ಟು 56 ಒಕ್ಕ ಕೂಡಿಯಾಡುವದುಂಡ್. ನಾಳೆ ಪೊಲಾಕ ಎಟ್ಟ್‌ ಘಂಟೆಕ್‌ ಮಲ್ಲಮಾಡ ಒಕ್ಕ ಪಟ್ಟೆದಾರ, ಮಲ್ಲಮಾಡ ಮೊಣ್ಣಪ್ಪ ಅಯಿಂಗಡ ಮುಂಬುಲ್‌ ಒಕ್ಕ ಮನೆಲ್‌ ಕಾರೋಣಳ ತೊತ್ತಿತ್‌, ಬೆಕ್ಕೆಸೊಡ್ಲೂರ್‌ ಕೆನರಾ ಬ್ಯಾಂಕ್‌ ಕಂಡಿಂಜ ಕಳಿಪರಂಬುಕೆತ್ತನೆ ಆಟ್‌, ಪಾಟ್‌, ಒಡ್ಡೋಲಗ ಸಮೇತ ಕಾನಡೆಲ್‌ ಪೋಯಿತ್‌, ಕಳಿ ಪರಂಬುಲ್‌ ನೇರ್ಚೆ ಕಟ್ಟಿತ್‌ ಆಯಿಮೆ ಕ್‌ ಮೊಳಿ ಇಡುವ. ಮೊಳಿ ಇಡುವ ಕಾರ್ಬಾರ್‌ಲ್‌ ರಾಜ್ಯ ಸರಾಕೃತ ಚೀಫ್‌ ಎಲೆಕ್ಟ್ರಿಕಲ್‌ ಎಂಜಿನಿಯರ್‌ ತೀತಿರ ರೋಷನ್‌ ಅಪ್ಪಚ್ಚು ಅವು ಕೂಡಿಯಾಡುವ, ಮಲ್ಲಮಾಡ ಒಕ್ಕ ನಡ್ಂದ್‌ ಬಂದ ಬಟ್ಟೆ, ಒಕ್ಕಡೊಕ್ಕಡ ವಾಲೆ ಬಾಲ್‌ ನಮ್ಮೆನ ತೊಟ್ಟಿತ್‌, ಒಕ್ಕ ಅಧ್ಯಕ್ಷ ಮಲ್ಲಮಾಡ ಪ್ರಭು ಪೂಣಚ್ಚ ಅವು ಆದ್ಯ ಮೊಳಿ ಪರಿವ.
13/10/24ನೇ ನಾರಾಚೆ ನಡ್ಪ ಆಖೀರಿ ಆಯಿಮೆಲ್‌ ಖನಪಟ್ಟ ಬೆಂದುವಳಾಯಿತ್‌, ಕೇಳಿ ಪೋನ ವೈದ್ಯ ಡಾ. ಮುಕ್ಕಾಟಿರ ಅಮೃತ್‌ ನಾಣಯ್ಯ ಪಿಂಞ ಸಾಹಿತಿ, ಉಪಾದ್ರಿಣಿ ಡಾII ಮುಲ್ಲೆಂಗಡ ರೇವತಿ ಪೂವಯ್ಯ ಅವು ಕೂಡಿಯಾಡುವ, ಈ ನ್ಯಾರತ್‌ ಪಲತರ ಕಳಿ ತೆಳಿ, ಆಟ್‌ ಪಾಟ್‌ರ ಪಿಂಞ ಇನಾಮ್‌ ಬಳಂಬುವ ಕಾರ್ಬಾರ್‌ ನಡ್ಪಂದ್‌ ಒಕ್ಕ ಕಾರ್ಯಕಾ ಮಲ್ಲಮಾಡ ಈಶ್ವರ ದೇವಯ್ಯ ಅವು ಅರಿಚಿಟ್ಟಿತ್.
