ವಿರಾಜಪೇಟೆ, ಜ.11: ಅಖಿಲ ಕೊಡವ ಸಮಾಜ ತಯಾರ್‌ ಮಾಡಿತುಳ್ಳ www.akhilakodavasamaja.org ವೆಬ್‌ಸೈಟ್‌, ನಾಳೆ 12/01/2025ನೇ ನಾರಾಚೆ ಬೊಳಿಕ್ ಬಪ್ಪದುಂಡ್.
ನಾಳೆ ಪೊಲಾಕ 10 ಘಂಟೆಕ್‌, ಅಖಿಲ ಕೊಡವ ಸಮಾಜ ಬಾಡೆಲ್‌, ಅಖಿಲ ಕೊಡವ ಸಮಾಜ ಕೊರವುಕಾರ ದೇಶತಕ್ಕ ಪರದಂಡ ಸುಬ್ರಮಣಿ ಅಯಿಂಗಡ ಕೊರವುಕಾರಿಕೆಲ್‌ ನಡ್ಪ ಆಯಿಮೆಲ್‌, ಮಾನ್ಯ ಮುಖ್ಯಮಂತ್ರರ ಕಾನೂನ್‌ ಅರಿವುಕಾರ ಪಿಂಞ ವಿರಾಜಪೇಟೆ ಶಾಸಕಂಗಳಾನ ಅಜ್ಜಿಕುಟ್ಟಿರ ಪೊನ್ನಣ್ಣ, ವಿಧಾನ ಪರಿಷತ್‌ ಶಾಸಕ ಮಂಡೇಪಂಡ ಸುಜಾಕುಶಾಲಪ್ಪ, ಕರ್ನಾಟಕ ಕೊಡವ ಸಾಹಿತ್ಯ ಅಕಾಡೆಮಿರ ಮಾಜೀ ಕೊರುಕಾರ, ಪೆರಿಯ ಎಳ್ತ್‌ಕಾರನೂ ಆಯಿತುಳ್ಳ ಬಾಚರಣಿಯಂಡ ಅಪ್ಪಣ್ಣ ಅವು ಕೂಡಿಯಾಡಿತ್‌, ಈ ವೆಬ್‌ಸೈಟ್‌ನ ಬೊಳಿಕ್ ಬೂಕುವ.
ಕೊಡವಡ ಮೂಲ ಅರಿವು ತಿರು, ಸಮಾಜತ ಅರಿವು, ಕೇಳಿಪೋನೈಂಡ ಅರಿವು, ಕೊಡವುರ ಖನಪಟ್ಟ ತಿರಿಕೆ, ನಮ್ಮೆನಾಳ್‌ ಕೂಡ್‌ನನಗೆ ಪಲತರ ಅರಿವು ವಿವರ ಕೂಡಿತುಳ್ಳ ಅಖಿಲ ಕೊಡವ ಸಮಾಜ ವೆಬ್‌ ಸೈಟ್‌ ನಾಳೇಂಜ ಗೂಗಲ್‌ ಸರ್ಚ್‌ಲ್‌ ದಕ್ಕುವದುಂಡ್.