ಕೆದಮೊಳ್ಳೂರ್‌, ಸೆ. 25 : ವಿರಾಜಪೇಟೆ ತಾಲೀಕ್‌ ಕೆದಮೊಳ್ಳೂರ್‌ಲ್‌ ಅಡಂಗಿತುಳ್ಳ ಕರಿನೆರವಂಡ ಒಕ್ಕಡ ಗುರುಮನೆಕ್‌ ಅನುದಾನ ಕೊಡ್ತ ಶಾಸಕ ಅಜ್ಜಿಕುಟ್ಟಿರ ಪೊನ್ನಣ್ಣ ಅಯಿಂಗಳ, ಒಕ್ಕಡ ಗುರು ಮನೆರ ಎದಿಕೆ ತೊಮ್ಮಾನ ಮಾಡಿತ್‌ ಗೌರವ ಕಾಟ್‌ಚಿ.
ಎಚ್ಚಕೋ ಕಾಲತೊಟ್ಟ್‌ ಒಕ್ಕಡ ಕೈಮಡಕ್‌ ಪೋಪಕ್‌ ರಸ್ತೆ ಇಲ್ಲತೆ ಇಂಜ ಒಕ್ಕಕಾರ, ಶಾಸಕಂಗಕ್‌ ದಂಡ್‌ ತಿಂಗ ಬಯ್ಯ ಬೋಡಿಕೆರ ಕಾಗದ ಕೊಡ್ತಿತಿಂಜತ್. ಮನವಿ ಕೊಡ್ತ ದಂಡೇ ತಿಂಗತ್‌ 05 ಲಕ್ಷ ಉರ್ಪಿಯ ಅನುದಾನ ಕೊಡ್ತಿತ್‌, ಸುಮಾರ್‌ 95 ಮೀಟರ್‌ ರಸ್ತೆನ, ಕಾಂಕ್ರಿಟ್‌ ಮಾಡ್‌ಚಿಟ್ಟ ಶಾಸಕ ಅಜ್ಜಿಕುಟ್ಟಿರ ಪೊನ್ನಣ್ಣ ಅಯಿಂಗಕ್‌ ಮಾಗುರು ಆರ ಬೋಡಿತ್‌ ಒಕ್ಕ ಗುರುಮನೆರ ಮುಂಬರತ್‌ ತೊಮ್ಮಾನ ಮಾಡಿತ್‌ ಕರಿನೆರವಂಡ ಒಕ್ಕಕಾರ ತೊಮ್ಮಾನ ಮಾಡ್‌ಚಿ.
ಈ ನ್ಯಾರತ್‌ ಒಕ್ಕ ಪರಿಯಂಗಳಾನ ಕರಿನೆರವಂಡ ಜಾಲು ಚಂಗಪ್ಪ, ಭೀಮಯ್ಯ, ಎನ್ ಅಯ್ಯಪ್ಪ, ಕಾಂಗ್ರೆಸ್ ವಲಯ ಅದ್ಯಕ್ಷ ನಡಿಕೇರಿಯಂಡ ಎಸ್ ಮಹೇಶ್, ಕೆಡಿಪಿ ಸದಸ್ಯ ಮಾಳೇಟಿರ ಪ್ರಶಾಂತ್ ಉತ್ತಪ್ಪ , ಕರಿನೆರವಂಡ ಒಕ್ಕಕಾರ ಸ್ಥಳೀಕ ಕಾಂಗ್ರೆಸ್ ಕಾರ್ಯಕರ್ತಂಗ ಪಿಂಞ ರೋಡ್‌ ಪಣಿನ ಅಂದೋಳತೆ ನೀಸ್‌ನ ಗುತ್ತಿಗೆದಾರ ಬಲ್ಟಿಕಾಳಂಡ ರಂಜಿ ಮಾದಪ್ಪ, ಪಂಚಾಯತಿ ಸದಸ್ಯ ಇಸ್ಮಾಯಿಲ್ ಅವು ಇಂಜತ್.
ಅರಿವು: ಕರನೆರವಂಡ ಡ್ಯಾನಿಕುಶಾಲಪ್ಪ
