ಶ್ರೀಮಂಗಲ, ನ.14 (ಅರಿವು: ಚಟ್ಟಂಗಡ ರವಿ ಸುಬ್ಬಯ್ಯ) : ಕೊಡವಡ ನೇರ್ ನಲ್ಲಾಮೆರ ಬೇರ್ ಪೊಮ್ಮಕ್ಕ. ಪೊಮ್ಮಕ್ಕ ಒಕ್ಕಟ್ಟ್ ಒಂದಾಯಿತ್ ನಿಂದಕ, ಜನಾಂಗವೂ ಕೂಡ್ನನಕೆ, ಮನೆ ಮಾರ್, ಸಮಾಜವೂ ಒಂದಾಯಿತ್ ನಂದಾಪ, ಎಣ್ಣುವುದ್ ನೇರಾನ ಸಂಗತಿ. ಪೊಮ್ಮಕ್ಕ ಇಂಞಚ್ಚಕೂ ಒಂದಾಯಿ ನೈಪ ನ್ಟ್ಟ್ಲ್, ಟ.ಶೆಟ್ಟಿಗೇರಿರ ತಾವಳಗೇರಿ ಮೂಂದ್ ನಾಡ್ ಕೊಡವ ಸಮಾಜ, ಪುದಿಯದಾಯಿತ್ ಪೊಮ್ಮಕ್ಕಡ ಕೂಟಕ್ ಮೊಳಿ ಇಟ್ಟಿತ್.
ಪುದಿಯ ಸಮಿತಿರ ಕೊರವುಕಾರಿ ಆಯಿತ್, ಕೋಟ್ರಮಾಡ ರೇಷ್ಮಾ ಕಾರ್ಯಪ್ಪ, ಕೂಟ್ ಕೊರವುಕಾರಿ ಮನ್ನೆರ ಸರುರಮೇಶ್, ಕಾರ್ಯಕಾರಿ ಆಯಿತ್, ಕಳ್ಳಿಚಂಡ ದೀನಾಉತ್ತಪ್ಪ ಅಯಿಂಗಳ ಗೊತ್ತ್ ಮಾಡಿತ್.
ಕೊಡವ ಸಮಾಜ ಕೊರವುಕಾರ, ಕೈಬುಲೀರ ಹರೀಶ್ ಅಪ್ಪಯ್ಯ ಅಯಿಂಡ ಕೊರವುಕಾರಿಕೆಲ್ ನಡ್ಂದ ಮೋಪುಲ್, ಪೊಮ್ಮಕ್ಕಡ ಕೂಟಕ್ ಒತ್ತೋರ್ಮೆಲ್ ಮೊಳಿ ಇಟ್ಟತ್.
ಆಟ್ಪಾಟ್ ಸಮಿತಿ ಕಾರ್ಯಕಾರಿ ಕೋಟ್ರಮಾಡ ಶೈಮ ತಮ್ಮಯ್ಯ, ಮನ್ನೆರ ದೇವಿಕಾ ದೇವಯ್ಯ, ಕಳಿಕೂಟ್ ಕಾರ್ಯಕಾರಿ ತಡಿಯಂಗಡ ಗಾನ ಸೋಮಣ್ಣ, ಕೂಡ್ ಕೂಟ್ಕಾರಳಾಯಿತ್, ಅಪ್ಪಚಂಗಡ ಲಲಿತ ಮೋಟಯ್ಯ, ಕೋಟ್ರಮಾಡ ರಾಣಿ ದೇವಯ್ಯ, ಮಚ್ಚಮಾಡ ರೋಜಿ ಸುಮಂತ್, ಕಳ್ಳಿಚಂಡ ದೇವಿಕಾ ನಂಜಪ್ಪ, ಚೆಟ್ಟಂಗಡ ಪಿಂಕಿ ವಸಂತ್, ಚೊಟ್ಟೆಯಂಡಮಾಡ ಜಯಶ್ರೀ ಅಪ್ಪಣ್ಣ, ಮನ್ನೆರ ಕಾವೇರಮ್ಮ ಅಜಿತ್, ಬೊಳ್ಳಾಜಿರ ಸುಶೀಲ ಅಶೋಕ್, ಅಜ್ಜಮಾಡ ಪ್ರಮೀಳಾ ಕರುಂಬಯ್ಯ ಅಯಿಂಗಳ ಗೊತ್ತ್ ಮಾಡ್ಚಿ.
ಈ ಘಳಿಗೆಲ್ ತಕ್ಕ್ ಪರ್ಂದ ಸಮಾಜ ಮೂಪ, ಕೈಬುಲೀರ ಹರೀಶ್ ಅಪ್ಪಯ್ಯ ಅವು, ಪೊಮ್ಮಕ್ಕ ಒಂದಾಯಿತ್, ಜನಾಂಗನ ನಲ್ಲ ಬಟ್ಟೆಲ್ ಕೊಂಡ ಪೋಪಕ್ ಕೈ ತೆಕ್ಕೋಂಡು, ಈ ಪೊಮ್ಮಕ್ಕಡ ಕೂಟತಿಂಜ ಮಿಂಞಕ್ ನಲ್ಲ ಆಯಿಮೆ ಕೊಯಿಮೆ ನಡ್ಕಡ್ ಎಣ್ಣ್ಚಿ. ಸಮಾಜತ ಆಟ್ಪಾಟ್ ಸಮಿತಿ ಕಾರ್ಯಕಾರ ಚೆಟ್ಟಂಗಡ ರವಿ ಸುಬ್ಬಯ್ಯ ಅವು, ತಕ್ಕ್ ಪರ್ಂದಿತ್, ಚೆರಿಯ ಬಯತ್ಲೇ ಮಕ್ಕಕ್ ನಲ್ಲರಿಮೆ ಪಡ್ಪುಚಿಡೋಂಡು, ಈ ನ್ಟ್ಟ್ಲ್ ಮೊಮ್ಮಕ್ಕಡ ಮೇನತ್ ಏರ ಉಂಡ್, ಕೊಡವಡ ಮೂಲಕೊತ್ತ ನಡೆನುಡಿನ ಒತ್ತೋರ್ಮೆಲ್ ಬೊಳ್ತುವಕ್ ಪೊಮ್ಮಕ್ಕ ಒಂದಾಯಿತ್ ಕೈ ತೆಕ್ಕೋಂಡೂ ಎಣ್ಣ್ಚಿ.
ಸಮಾಜದ ಕಾರ್ಯಕಾರ ಕೋಟ್ರಮಾಡ ಸುಮಂತ್ ಮಾದಪ್ಪ, ಕೂಡ್ಕೂಟ್ಕಾರಳಾನ, ಚಂಗುಲಂಡ ಅಶ್ವಿನಿ ಸತೀಶ್, ತೀತಿರ ಅನಿತಾ ಸುಬ್ಬಯ್ಯ, ತಡಿಯಂಗಡ ಸೌಮ್ಯ ಕರುಂಬಯ್ಯ, ಕರ್ನಂಡ ರೂಪ ದೇವಯ್ಯ ಸಮಾಜ, ಕೂಟಾಳಿಯ, ಪೊಮ್ಮಕ್ಕ ಮಕ್ಕಳೂ ಕೂಡಿಯಾಡಿತಿಂಜತ್.
