ಬೆಂಗಳೂರ್‌, ಅ. 01: ಜಮ್ಮ ಬಾಣೆಕೊತ್ತನ್ನಕೆ ಕೊಡವುಲ್‌ ರೈತಂಗಕ್‌ ಉಳ್ಳ ಚಿಂತೆನ ನೀಕುವಕ್‌, ಇಂದ್‌ ವಿರಾಜಪೇಟೆರ ಶಾಸಕನೂ, ಮುಖ್ಯಂತ್ರಿರ ಕಾನೂನ್‌ ಅರಿವುಕಾರನೂ ಆಯಿತುಳ್ಳ ಅಜ್ಜಿಕುಟ್ಟಿರ ಪೊನ್ನಣ್ಣ ಅಯಿಂಗಡ ಮೇಲ್ಮಾನಿಕೆಲ್‌, ರಾಜ್ಯ ಕಂದಾಯ ಸಚಿವ ಕೃಷ್ಣ ಬೈರೇಗೌಡಅಯಿಂಗಡ ಕೊರವು ಕಾರಿಕೆಲ್‌, ಮಡಿಕೇರಿ ಶಾಸಕ, ಡಾ. ಮಂಥರ್‌ ಗೌಡ ಅಯಿಂಗಡ ಕೂಡ್‌ ಕೂಟತ್‌, ಇಂದ್‌ ಬೆಂಗಳೂರ್‌ಲ್ ಮೋಪುಕೂಟ್ ನಡ್ಂದತ್.
ರಾಜ್ಯ ಕಂದಾಯ ಕಾಯ್ದೆ ಸೆಕ್ಷನ್‌ 127 ಲಿಂಜ 136ಕೆತ್ತನೆ ಉಳ್ಳನ್ನಕೆ, ಕ್ರಮ ಎಡ್ತಂಡ ಪೋಲೆ ಉಳ್ಳ ಪೋಡಿ ಇಲ್ಲತನ್ನಕೆ ಸ್ರವೆ ಮಾಡಿತ್‌, ಬೋರೆ ಬೋರೆ ಆರ್ಟಿಸಿ, ಆಕಾರ್‌ ಬಂದಿರ ಕೂಡೆ ದುರಸ್ಥಿ ಮಾಡ್ಯವಕ್‌ ಬೋಂಡ್ಯಾನನಕೆ ಎಲ್ಲಾ ತಯಾರಿ, ಆಡಳಿತ ಕ್ರಮಕೊತ್ತನ್ನಕೆ ಮಾಡ್ಯವನ್ನಕೆ ತೀರ್ಮಾನ ಎಡ್ತಂಡತ್. ಈ ಮೋಪುಲ್‌ ಸರ್ಕಾರತ ಪೆರಿಯ ಅಧಿಕಾರಿಯ, ಕಂದಾಯ ಇಲಾಖೆರ ಅಧಿಕಾರಿಯ, ಕೊಡಗ್‌ ಜಿಲ್ಲಾಧಿಕಾರಿ, ಉಪ ವಿಭಾಗಾಧಿಕಾರಿ, ಕೂಡ್‌ನನಕೆ ಖನಪಟ್ಟವು ಹಾಜರಿಂಜತ್.
