Nadubadenews, ಮೈಸೂರ್, ಅ.25: (ಅರಿವು: ತಾತಪಂಡ ಯಶೀಲ) ಅಮ್ಮತಿ ಹೊಸೂರ್ಕಾರಳಾನ, ಮೈಸೂರ್ಲ್ ನೆಲೆ ನಿಂದಿತುಳ್ಳ, ಚೋವಂಡ ಚೋಂದಮ್ಮ(ತಾಮನೆ: ಮಚ್ಚಮಾಡ) ಅವು, ನಾಡ ಪ್ರಭು ಕೆಂಪೇಗೌಡ ಬಿರ್ದ್ ಪಡ್ಂದಂಡತ್.
ಸ್ಪಂದನ ಸಾಂಸ್ಕೃತಿಕ ಪರಿಷತ್, ಅದಮ್ಯ ರಂಗಶಾಲೆ ಮೈಸೂರ್ ಬಳಂಬುನ, ಈ ಬಿರ್ದ್ ಪಡ್ಂದಂಡ, ಮೈಸೂರ್ರ ಕೇಳಿಪೋನ, ಕನ್ನಿಕಾ ಕಾವೇರಿ ಸ್ಕೂಲ್ರ, ಸಂಸ್ಥಾಪಕಿ, ಕಾರ್ಯದರ್ಶಿ ಆಯಿತ್1990ಲಿಂಜ ಶಿಕ್ಷಣ ಕ್ಷೇತ್ರತ್ ನೈಚಂಡುಳ್ಳ, ಚೋವಂಡ ಚೋಂದಮ್ಮ ಅವು ಮಚ್ಚಮಾಡ ಚಿಟ್ಟಿಯಪ್ಪ, ಪೊನ್ನಮ್ಮ ದಂಪತಿಯಡ ಮೋವ, ಚೋವಂಡ ಪೂಣಚ್ಚ ಅಯಿಂಗಡ ಪೊಣ್ಣ್.
ಇದಂಗ್ ಮುಪ್ಪಡೆ ಇವು ಕರ್ನಾಟಕ ಪ್ರಜಾಭೂಷಣ ಕೂಡ್ನನಕೆ ತರಾವರಿ ಬಿರ್ದ್ ಪಡ್ಂದಂಡಿತ್. ಕೈಂಜ ನುಪ್ಪತಂಜಿ ಕಾಲತೊಟ್ಟ್ ಶಿಕ್ಷಣ ಕ್ಷೇತ್ರತ್ ನೈಚಂಡುಳ್ಳ ಇವು ಇಕ್ಕಾಣೆ ಆಯಿರಾರ್ ಮಕ್ಕಕ್ ವಿದ್ಯೆ ಬಳ್ಂಬುನ ಕೇಳಿ ಪಡ್ಂದಿತ್.