ಬಾಳ್ಗೋಡ್, ನ.28: (ತಂಬುಕುತ್ತಿರ ಮಧು ಮಂದಣ್ಣ): ಕೊಡವ ಸಮಾಜ ಒಕ್ಕೂಟ, ಬಾಳ್ಗೋಡ್ಲ್ ನಡ್ತಿಯಂಡುಳ್ಳ, ಕಾಲತ ನಮ್ಮೆರ ಕಳಿಕೂಟಕ್ ಮುಖ್ಯಮಂತ್ರಿರ ಕಾನೂನ್ ಅರಿವುಕಾರ, ವಿರಾಜಪೇಟೆ ಶಾಸಕ ಅಜ್ಜಿಕುಟ್ಟಿರ ಪೊನ್ನಣ್ಣ ಅವು ಇಂದ್, ಬಾಳ್ಗಡ್ ಸಮಾಜ ಪರಂಬುಲ್ ಮೊಳಿ ಇಟ್ಟತ್.
ಈ ನ್ಯಾರತ್ ತಕ್ಕ್ ಪರಂದ ಅವು, ಕೊಡವ ಒಕ್ಕಟ್ಟ್ ಒತ್ತೋರ್ಮೆಕ್ ಎಲ್ಲಾ ಸಮಾಜ ಸಂಘ ಸಂಸ್ಥೆ, ಸಮಾಜಕಾರ ಒಂದಾಯಿತ್ ಪೋಂಡು, ಇಂತ ಕಳಿ ನಮ್ಮೆರ ಏತುಲ್ ಎಲ್ಲರೂ ಓರ್ ಪೋಲೆ ಕೂಡುವಕ್ ಸಾಯ ಆಪ, ಕೊಡವ ಸಮಾಜ ಒಕ್ಕೂಟ ಎಲ್ಲಾರ್ನೋ ಒಕ್ಕಚೆ ಕೂಟಿಯಂಡ್ ಕೊಡವಾಮೆರ ಕೋವುಲ್ ನೈಕೊಂಡೂಂದ್ ಎಣ್ಣ್ಚಿ. ಈ ನ್ಯಾರತ್, ಕೊಡವ ಸಮಾಜ ಒಕ್ಕೋಟತ ಕೊರವುಕಾರ. ಕಳ್ಳಿಚಂಡ ವಿಷ್ಣುನಾಚಪ್ಪ, ಕಾರ್ಯಕಾರ ವಾಟೇರಿರ ಶಂಕರಿ ಕೂಡ್ನನಕೆ ಕಾರ್ಯಕೂಡ್ಕಾರಂಗ, ಬೆಂದುವ ಹಾಜರಿಂಜತ್.
ಕೈಂಜ 11ಕಾಲತೊಟ್ಟ್ ನಡ್ಂದಂಡುಳ್ಳ ಈ ನಮ್ಮೆಲ್ ಇಂದ್ಂಜ, ಕೊಡವ ಸಮಾಜತ ಒಳಿಯ ಹಾಕಿ ಪೈಪೋಟಿ ಶುರುವಾಯಿತ್, ಇದಂಡ ಕೂಟ್ಕ್ ಕೇರ್ ಬಲಿ, ತೆಂಗೆಬೊಡಿ, ಖನಕಲ್ಲ್ ಕನಿಪ ಪೈಪೋಟಿಯೂ ನಡ್ಪ. ಎಂದ್ ನಾಳೆ ಮತ್ಯಾಂದ್ ನಡ್ಪ ಕಳಿ ಕೂಟತ ಆಖಿರಿ ಪೈಪೋಟಿ, 01/12/24ನೇ ನಾರಚೆ ನಡ್ಪ. ಅಂದೇ ಕೊಡವ ಸಮಾಜತ ನಡುಲ್, ತರಾವರಿ ಆಟ್ ಪಾಟ್ ಪೈಪೋಟಿಯೂ ನಡ್ಪದುಂಡ್.
