ಮನೆ ಎಣ್ಣುವದ್ ಲಿಂಗರಾಜಂಡ ಕಾಲತ್ ಕನ್ನಡ ಭಾಷೆಂಜ ಕೊಡವ ಪಾಜೆಕ್ ಬಂದಿತುಳ್ಳ ಸೊಲ್ಲ್(ಪದ). ಕೊಡವ ತಕ್ಕ್’ರ ಸೊರಪೊರಡಲ್ ಇಂಞ ಸೊಲ್ಲ್ ತಮಿಳ್, ಮಲಯಾಳಂ ಪೋಲೆ ಉಂಡ್. ಅದ್ ಪಂಡ್೦ಜೋ ನಂಗ-ಅಂವ-ಇಂವಂದ್ ಕೊಂಗಾಳ್ವ, ತಮಿಳ್ ಚೋಳಂಗ, ಕೇರಳತ್’ರ ಚೇರಂಗ, ಮಂಗಳೂರ್ ಡೊಂಬ ಹೆಗ್ಗಡೆ ಇನ್ನನೆ ಆಳ್ವಿಕೆಕಾರ ಓರಂದ್ ಕಾಲಗಟ್ಟತ್ ಓರೋರೊಬ್ಬ ಕೊಡಿಮಲೆನೇ ಇಲ್ಲೇ ಕೊಡವ್’ರ ಓರಂದ್ ಬರಿರ ನಾಡ್’ನ ಪುಡ್ತಕ್ ಎಡ್ತಂಡ್ ಆಳಿಯಂಡ್ ಬಂದಾನುಂಡ್ ಕಂಡಂಡುಳ್ಳ. ಆಚೆಂಗಿ ಕಾವೇರಿ ಎಣ್ಣುವ ಪೊಳೆ ಪೆದ ಪೊಳಂದ ಕಾಲತ್, ಕಾವೇರಿ ನಾಗರಿಕತೆ ಎಣ್ಣುವದ್ ಕಾವೇರಿ ತಿರುತಿಂಜೇ ಸುರುವಾಯೆ. ಕೊಡವ ಆಂಗ್ ಮುಪ್ಪಡೇ ಇಂಜತ್. ಎಣ್ಣೊಕ ಕೊಡವ ಪಾಜೆ ಪರಿವ ಇಂಜ ಪೊಳಂದ ಬುಡಕಟ್ಟ್ ನೈಪ್’ಕಾರ ಪಡೆಕಾರ ಈ ನೆಲೆಲ್ ಮಿಂಞೇ ಇಂಜತ್. ಕೊಡವ ಸೊರಸದ್ದ್’ ಪೋಲೆ ಕೇಪನ್ನತ ಪಾಜೆ ಎಲ್ಲ ವ್ಯಾಕರಣ ಬದ್ಧಗೊಂಡ್ ಬೊಳ್0ದಿಯೆ(ಅದ್’ನೇ ಇಕ್ಕ ಪಂಚ ದ್ರಾವಿಡ ಪಾಜೆ ) ಎಣ್ಣೋದ್ ನಾಡ ಲೆಕ್ಕಾಚಾರ. ಅದೇ ಪೋಲೆ ಇತಿಹಾಸ ತಜ್ಞಂಗಳೂ ಎಣ್ಣುವ(ಆಂಗ್ ಅಗಸ್ತ್ಯ ತಮಿಳ್’ಕ್ ವ್ಯಾಕರಣ ಕುಂದ್’ಲ್(ಬ್ರಹ್ಮಗಿರಿ)ಅಳ್’ತ್ ಎಳ್’ದುವ ಇಂಜಿಯೆ ಎಣ್ಣುವದೋರ್ ಉದಾರಣೆ)
ಇಲ್ಲಿ ಅಂಚಿ ಮನೆಕ್ ಮತ್ತ್ ೦ದ್, ಪುಂಡ, ನಾರ್, ಬೇರ್, ಪಿಲ್ಲ್, ಪೋಟೆರ ಮನೆ ಆನಕ ಪೊರೆ, ಕೂರೆ ಇನ್ನನೇ ಕೊಡವ ಪಾಜೆಲೂ ಎಣ್ಣುವ ಇಂಜಿಯೆ. ಆಚೆಂಗಿ ಅದ್’ನ ಎಲ್ಲ ನಾಡ್ ಕೊಡವ ಬಳತಿಯಂಡಿತ್’ಲೆ. ಈ ತರ ವ್ಯತ್ಯಾಸ ಕೊಡವಳ ಒರೇ ತರತ್’ರ ನಡ್’ಪ್ ನಂಬಿಕೆಂಜ ದೂರವು ಬೆಚ್ಚಿತ್. ಕೊಡವಡ ಮನೆಪೆದತ್’ರನ್ನಕೆ ಪಲ ವಿಚಾರ ಕೊಡವಕ್ ತಾಂಡದೇ ಕುರ್’ಚೆನೋ ತಂದಿತ್.
ಇಲ್ಲಿ ನಾಕ್ ಕ್’ಟ್’ನ ಕೊಡವ ಪಾಜೆರ ಸೊಲ್ಲ್’ಲುಳ್ಳ ಪಲತರತ್’ರ ಮನೆಕ್ ಪೆದ ಇಂಞ ಆಂಡ ಅರ್ಥ ಇನ್ನನುಂಡ್…
