ಬೆಂಗಳೂರ್, ನ.28: ಕೊಡವಾಮೆರ ಸಂಘಟನೆರ ಆದನೆಲ್ ಉಳ್ಳ, ಬುಡಕೆಟ್ಸ್ ಸಂಸ್ಕೃತಿ ಅಧ್ಯಯನ ಕೇಂದ್ರ ಪಿಂಞ ಕ್ಗ್ಗಟ್ಟ್ ನಾಡ್ ಕೊಡವ ಸಂಘ (ರಿ) ಬೆಂಗಳೂರ್ ಈಂಗಡ ಕೂಟಾದನೆಲ್ “ಕೊಡವ ಸಂಸ್ಕೃತಿ”ರ ಮೀದ ನಡ್ತುವ ಮೋಪ್ಟ ನಾಳಂಕೆ: 30.11.2024ನೇ ಚನಿಯಾಚೆ ಬೆಂಗಳೂರ್ ವಸಂತನಗರ, ಕೊಡವ ಸಮಾಜತ, ಜನರಲ್ ಕೆ ಎಸ್ ತಿಮ್ಮಯ್ಯ ಸಬಾಬಾಡೆಲ್ ನಡ್ಪ.
ಅಂದ್ ಪೊಲಾಕ, 10-00 ಲಿಂಜ 10.30 ಘಂಟೆಕ್ ಮೊಳಿಯಾಪ ಈ ಮೋಪುಲ್, ಕೊಡವಾಮೆ ಸಂಘಟನೆರ ಕೊರವುಕಾರ ಉದಿಯಂಡ ರೋಷನ್ ಸೋಮಣ್ಣ, ಬುಡಕಟ್ಟ್ ಅಧ್ಯಯನ ಸಂಸ್ಥೆರ ಕಾರ್ಯಾಕಾರ(ಕಾರ್ಯದರ್ಶಿ) ಮಚ್ಚಮಾಡ ಲಾಲಾ ಕುಟ್ಟಪ್ಪ, ಬುಡಕಟ್ಟ್ ಅಧ್ಯಯನ ಸಂಸ್ಥೆರ ನಡ್ಪುಕಾರ್ತಿ(ಸಂಚಾಲಕಿ) ಮಾಳೆಟಿರ ಸೀತಮ್ಮ ವಿವೇಕ್. ಕ್ಗ್ಗಟ್ಟ್ ನಾಡ್ ಕೊಡವ ಸಂಘತ ಕೊರವುಕಾರ ಮಂಡಚಂಡ ಸುರೇಶ್, ಕಾರ್ಯಕಾರ ಮಲ್ಲೇಂಗಡ ಮಧು ಕುಶಾಲಪ್ಪ ಕೂಡ್ನನಕೆ, ಸಂಘಟನೆರ ಕೂಟಾಳಿಯ ಕೂಡಿಯಾಡುವದುಂಡ್.
ಪೊಲಾಕ, 10.30 ಲಿಂಜ 11.ಕೆತ್ತನೆ, “ಕೊಡವಡ ನಮ್ಮೆ ಇಂಞ ನಾಳ್ ನಡ್ಪ್ ” ಎಣ್ಣುವ ವಿಚಾರತ್ನ, ಡಾ. ಬೊಜ್ಜಂಗಡ ಅವನಿಜಾ ಸೋಮಯ್ಯ ಅವು ಒಪ್ಪುಚಿಟ್ಟಕ, 12.15 ಲಿಂಜ 1.15 ಕೆತ್ತನೆ, “ಕುಂಞ ಪುಟ್ಟ ಲ್ಲಿಂಜ ಕುಂಕ್ ಮಾಡ್ ಸಾಸ್ತ್ರ ಪಿಂಞ ಪೈತಾಂಡೆಕಳಪದ್ ” ಎಣ್ಣುವ ವಿಚಾರತ್ನ, ಮಾಳೇಟಿರ ಶ್ರೀನಿವಾಸ್ ಅವು ಒಪ್ಪುಚಿಡುವ. ದಂಡೂ ವಿಚಾರಕ್ ಒತ್ತನಕೆ ಅದದೆ ವಿಸಯ ಒಪ್ಪುಚಿಡಲ್ ಆನನಕೆ 10 ನಿಮಿಷ ತಕ್ಕ್ಬಾಕ್ ಮಾಡೋಕ್ ತಿರುವಿಪ್ಪ. ಮಾಜನ ಏರ ಕಣಕಲ್ ಬಂದಿತ್, ನಂಗಡ ಸಂಸ್ಕೃತಿ ಪದ್ದತಿ, ಆಯಿಮೆ ಕೊಯಿಮೆರ ವಿಚಾರತ್ ಅಪ್ಪರಿಪ್ಪರ ಅರ್ಂಜಿ ತಿರ್ಂಜವನಾಂದ್, ಮೋಪು ಕೂಟಕಾರ ಕೇಟಂಡಿತ್.
