ವಿರಾಜಪೇಟೆ, ಡಿ.02: ಕೊಡವ ಸಮಾಜ ಒಕ್ಕೂಟತ 11ನೇ ಕಾಲತ ಕೊಡವ ನಮ್ಮೆಲ್ ಒಟ್ಟು ಪೈಪೋಟಿಲ್ ಏರ ಇನಾಂ ಪಡ್ಂದ ಮೈಸೂರ್ ಕೊಡವ ಸಮಾಜ ಕಾಲತ್ರ ಚಾಂಪಿಯನ್ ಆನಕ, ಬೆಂಗಳೂರ್ ದಂಡನೇ, ಮಡಿಕೇರಿ ಕೊಡವ ಸಮಾಜ ಮೂಂದನೇ ಇನಾಂ ಪಡ್ಂದಂಡತ್.
28/11/24 ಲಿಂಜ 1/12/24ನೇ ನಾರಾಚೆಕೆತ್ತನೆ, ಬಾಳ್ಗೋಡ್ ಕೊಡವ ಸಮಾಜ ಪರಂಬುಲ್ ನಡ್ಂದ ತರಾವರಿ ಕಳಿ ಕೂಟ್, ಆಟ್ ಪಾಟ್ ಪೈಪೋಟಿಲ್, ಮೈಸೂರ್ ಕೊಡವ ಸಮಾಜ, ಒಟ್ಟು 07 ಇನಾಂ ಪಡ್ಂದಕ, ಬೆಂಗಳೂರ್ ಕೊಡವ ಸಮಾಜ ಒಟ್ಟು 06 ಇನಾಂ, ಮಡಿಕೇರಿ ಕೊಡವ ಸಮಾಜ ಒಟ್ಟು ನಾಲ್ ಇನಾಂ ಪಡ್ಂದಂಡ್ ಮೂಂದನೇ ಏರ ಇನಾಮ್ ಪಡಂದಂಡ ಪಟ್ಟಿಕ್ ಕೂಡ್ಚಿ.
ಆಟ್ ಪಾಟ್ ಪೈಪೋಟಿರ ಉಮ್ಮತಾಟ್ಲ್ ಆದ್ಯ ಮಡಿಕೇರಿ, ದಂಡನೇ ಬೆಂಗಳೂರ್, ಮೂಂದನೇ ಮೈಸೂರ್ ಕೊಡವ ಸಮಾಜ ಪಡ್ಂದಂಡಕ, ಕೋಲಾಟ್ಲ್ ಆದ್ಯ ಬೆಂಗಳೂರ್, ದಂಡನೇ ಮೈಸೂರ್, ಮೂಂದನೆ ಮಡಿಕೇರಿ ಕೊಡವ ಸಮಾಜ ದಕ್ಕ್ಚಿಟ್ಟಂಡತ್. ಬೊಳಕಾಟ್ಲ್, ಆದ್ಯ ಮೈಸೂರ್, ದಂಡನೇ ಬೆಂಗಳೂರ್, ಮೂಂದನೆ ಮಡಿಕೇರಿ ಕೊಡವ ಸಮಾಜ ಎಡ್ತಂಡತ್. ಕತ್ತಿಯಾಟ್ಲ್ ಆದ್ಯ ಮೈಸೂರ್ ದಂಡನೇ ಬೆಂಗಳೂರ್ ಕೊಡವ ಸಮಾಜ ಎಡ್ತಂಡಕ, ಬಾಳೋಪಾಟ್ಲ್ ಮಡಿಕೇರಿ ಆದ್ಯ, ಮೂರ್ನಾಡ್ ದಂಡನೇ, ಮರೆನಾಡ್ ಕೊಡವ ಸಮಾಜ ಮೂಂದನೇ ಇನಾಂ ಪಡ್ಂದತ್. ತಾಲಿಪಾಟ್ಲ್ ವಿರಾಜಪೇಟೆ ಆದ್ಯ, ದಂಡನೆ ಮರೆನಾಡ್, ಮೂಂದನೆ ಮೈಸೂರ್ ಕೊಡವ ಸಮಾಜ ಆನಕ, ಪರೆಕಳಿಲ್ ಶ್ರೀಮಂಗಲ ಆದ್ಯ, ಮೈಸೂರ್ ದಂಡನೆ, ಬೆಂಗಳೂರ್ ಮೂಂದನೆ ಇನಾಂ ಎಡ್ತಕ, ಸಮ್ಮಂದ ಅಡುಕುವಾತ್ ಮೈಸೂರ್ ಆದ್ಯ, ಬೆಂಗಳೂರ್ ದಂಡನೆ, ಮೂರ್ನಾಡ್ ಕೊಡವ ಸಮಾಜ ಮೂಂದನೇ ಇನಾಂ ಪಡ್ಂದಂಡತ್.
ಆಟ್ ಪಾಟ್ರ ತೀರ್ಪುಕಾರಳಾಯಿತ್, ಕರ್ತಮಾಡ ಹರೀಶ್, ಬೊಟ್ಟೋಳಂಡ ಪೊನ್ನಣ್ಣ, ಚಾಮೆರ ದಿನೇಶ್ ಬೆಳ್ಯಪ್ಪ, ನಾಣಮಂಡ ದಿನೇಶ್, ಬೊಟ್ಟೋಳಂಡ ಮಿಟ್ಟು ಪೂಣಚ್ಚ, ನಾಣಮಂಡ ವೇಣು ಮಾಚಯ್ಯ, ಬೊಳ್ಯಂಗಡ ದಾದು ಪೂವಯ್ಯ, ಸುಳ್ಳಿಮಾಡ ಶಿಲ್ಪ ಅಪ್ಪಣ್ಣ, ಡಾ. ಮುಲ್ಲೇಂಗಡ ರೇವತಿ ಪೂವಯ್ಯ ಕಾರ್ಬಾರ್ ಮಾಡ್ನಕ್, ಕರವುಕಾರನಾಯಿತ್, ಕಾಳಿಮಾಡ ಮೋಟಯ್ಯ, ಹಂಚೆಟ್ಟಿರ ಮನು ಮುದ್ದಪ್ಪ ಮುನ್ನಡ್ಪುಕಾರ (ಸಂಚಾಲಕ), ಮಲ್ಲೇಂಗಡ ಮುತ್ತಣ್ಣ, ಬಾಚೀರ ಜಗದೀಶ್, ಬಲ್ಲಡಿಚಂಡ ಕಸ್ತೂರಿ, ಕಾಳಿಮಾಡ ನೀಮಾಪ್ರಶಾಂತ್, ತೀತಿರ ಛಾಯದರ್ಮಜ, ಕಳ್ಳಿಚಂಡ ಅಕ್ಕಮ್ಮ, ತಂಬುಕುತ್ತಿರ ಮದು ಮಂದಣ್ಣ, ನರ್ಪಂಡ ಜಿಮ್ಮಿ ಚಂಗಪ್ಪ ಅವು ಕೂಟಾಳಿಯಳಾಯಿತ್ ಕಾರ್ಬಾರ್ ಮಾಡ್ಚಿ.
ಕಳಿ ಪೈಪೋಟಿರ, ಹಾಕಿಲ್ ಆದ್ಯ ಅಮ್ಮತ್ತಿ ಕೊಡವ ಸಮಾಜ, ದಂಡನೇ ಮಡಿಕೇರಿ ಕೊಡವ ಸಮಾಜ ಪಡ್ಂದಂಡತ್. ಕೇರ್ಬಲಿಲ್ ಆಮಕ್ಕಡ ಮೂರ್ನಾಡ್ ಕೊಡವ ಸಮಾಜ ಆದ್ಯ, ನಾಪೋಕ್ ಕೊಡವ ಸಮಾಜ ದಂಡನೆ, ಪೊಮ್ಮಕ್ಕ ನಾಪೋಕ್ ಕೊಡವ ಸಮಾಜ ಆದ್ಯ, ಟಿ.ಶೆಟ್ಟಿಗೇರಿ ಕೊಡವ ಸಮಾಜ ದಂಡನೇ, ಖನಕಲ್ಲ್ ಕನಿಪೋ ಪೈಪೋಟಿಲ್ ಮೂಡೆರ ಪೊನ್ನಪ್ಪ ಮೂರ್ನಾಡ್ ಕೊಡವ ಸಮಾಜ ಆದ್ಯ, ಕಾಣತಂಡ ರೋಷನ್ ಬೆಪ್ಪುನಾಡ್ ಕೊಡವ ಸಮಾಜ ದಂಡನೇ ಇನಾಂ ಎಡ್ತಂಡತ್. ಪೊಮ್ಮಕ್ಕಡ ಖನಕಲ್ಲ್ ಕನಿಪ ಪೈಪೋಟಿಲ್, ಮಂಡೆಪಂಡ ದೇಚಿ ವಿರಾಜಪೇಟೆ ಕೊಡವ ಸಮಾಜ ಆದ್ಯ, ಬೊಪ್ಪಂಡ ಕುಸುಮ ಮೂರ್ನಾಡ್ ಕೊಡವ ಸಮಾಜ ದಂಡಣೇ ಇನಾಂ ದಕ್ಕ್ಚಿಟ್ಟಂಡತ್. ತೆಂಗೆಕ್ ಬೊಡಿಬೆಪ್ಪೊ ಪೈಪೋಟಿಲ್, ಪುತ್ತರಿರ ನಂಜಪ್ಪ ಆದ್ಯ, ಅಜ್ಜೇಟಿರ ಗೌತಮ್ ದಂಡನೇ, ಚೀಯಕ್ಪೂವಂಡ ಜೀವನ್ ಮೂಂದನೇ ಇನಾಂ ಪಡ್ಂದಕ ಕನ್ನಿಗಂಡ ಅಮುಲ್ಯ ಶಾಮ್ ಅವು ಆಖೀರಿ ಸುತ್ತ್ಕೆತ್ತನೆ ಆಮಕ್ಕಕ್ ಸಮ ಪೈಪೋಟಿ ಕೊಡ್ತಿತ್ ಜನಮೆಚ್ಚಿಗೆ ಪಡ್ಂದಂಡತ್.
ಕಳಿಕೂಟ ಸಮಿತಿರ ಕೊರವುಕಾರನಾಯಿತ್, ತಂಬುಕುತ್ತಿರ ಮಧುಮಂದಣ್ಣ, ಕೋಟೆರ ರಘುಕಾರ್ಯಪ್ಪ ಕಾರ್ಯಾಕಾರ, ಕಂಬಿರಂಡ ಕಿಟ್ಟು ಕಾಳಪ್ಪ ಮುನ್ನಡ್ಪುಕಾರ, ಬೊಳ್ಳ್ಯಂಗಡ ದಾದಾ ಪೂವಯ್ಯ, ಕೂತಂಡ ಸುರೇಶ್ ಅಪ್ಪಯ್ಯ, ಕುಪ್ಪಂಡ ರಾಜೀವ್ ಕಾರ್ಯಪ್ಪ, ಅಮ್ಮಣಿಚಂಡ ಸುಬ್ಬಣ್ಣ, ಕನ್ನಂಬಿರ ಚಿಣ್ಣಪ್ಪ, ಮಾದೇಯಂಡ ಸಂಪಿ ಪೂವಯ್ಯ, ಕುಂಡ್ರಂಡ ದೊರೆ ಪೂಣಚ್ಚ, ಕೇಕಡ ರೋಮಿ, ಬೇರೆರ ಬೆಳ್ಯಪ್ಪ ಅವು, ಕೂಟಾಳಿಯಳಾಯಿತ್ ಕಾರ್ಬಾರ್ ಮಾಡ್ಚಿ.
ಕಡವ ಸಮಾಜ ಒಕ್ಕೂಟ ಕೊರವುಕಾರ ಕಳ್ಳಿಚಂಡ ವಿಷ್ಟು ಕಾರ್ಯಪ್ಪ ಅಯಿಂಗಡ ಕೊರವು ಕಾರಿಕೆಲ್ ನಡ್ಂದ ಕೊಡವ ನಮ್ಮೆಲ್, ಮಾಜಿ ಮಂತ್ರಿ ಮೇರಿಯಂಡ ನಾಣಯ್ಯ, ಮಾಜೀ ಕೊರವುಕಾ ಮಲ್ಲೆಂಗಡ ದಾದಾಬೆಳ್ಯಪ್ಪ, ಒಕ್ಕೂಟ ಸಮಾಜತ ಎಲ್ಲಾ ಕೂಡ್ಕೂಟ್ಕಾರ, ಎಲ್ಲ ಕೊಡವ ಸಮಾಜ ಕೊರವುಕಾರಂಗ, ಕೂಟಾಳಿಯ, ಪೊಮ್ಮಕ್ಕ ಮಕ್ಕ ಕೂಡಿಯಾಡಿತಿಂಜತ್.