ನಡುಬಾಡೆ ನ್ಯೂಸ್: ಕಕ್ಕಬ್ಬೆ, ಸೆ. 26: ಉಲಗ ದಾಖಲೆ ಮಾಡ್ನ ಅಯ್ಯನೆರವಂಡ ಪ್ರಿತುನ್ ಪೂವಣ್ಣನ, ಕುಂಜಿಲ ಕಕ್ಕಬ್ಬೆ ಗ್ರಾಮ ಪಂಚಾಯಿತಿರ ಗ್ರಾಮ ಸಭೆಲ್ ಕಾಕಿಕೂಟಿತ್ ತೊಮ್ಮಾನ ಮಾಡ್ಚಿ.
ಧಾರವಾಡತ ಚೇತನ ಪೌಂಡೇಷನ್ರ ಆದನೆಲ್, ಕಾವ್ಯಶ್ರೀ ಚಾರಿಟೇಬಲ್ ಟ್ರಸ್ಟ್ ನಡ್ತ್ನ 24 ಮಿನಿಟ್ಲ್ 224ಕವಿ ಒಮ್ಮಕೇ ಕವನ ರಚನೆ ಮಾಡಿತ್ ಉಲಗ ದಾಖಲೆ ಮಾಡ್ನಾಂಗ್, ಇಕ್ಕಾಪಕ ವರ್ಡ್ ಪ್ರೆಸ್ಸ್ ಬುಕ್ ಆಫ್ ರೆಕಾರ್ಡ್ ಸಂಸ್ಥೆಕಾರ ಬೆಂಗಳೂರ್ರ ಕನ್ನಡ ಸಾಹಿತ್ಯ ಪರಿಷತ್ ಬಾಡೆಲ್ 224, ಕವಿಯಕೂ ವಿಶ್ವ ದಾಖಲೆರ ಬಿರ್ದ್ ಬಳ್ಂಬಿತಿಂಜತ್.
ಈ ಉಲಗ ಕೇಳಿನ ಪಡ್ಂದಿತ್ ನಾಡ್ಕ್ ಪೆರ್ಮೆ ಕೋಂದ, ಕಕ್ಕಬೆ ನಾಲಡಿ ಗ್ರಾಮ ಅಯ್ಯನೆರವಂಡ ಪೂವಯ್ಯ, ಪ್ರಭಾ (ತಾಮನೆ ಓಡಿಯಂಡ ) ಅಯಿಂಗಡ ಮೋಂವೊ, ಪ್ರಿತುನ್ ಪೂವಣ್ಣಂಗ್ ಕುಂಜಿಲ ಕಕ್ಕಬ್ಬೆ ಗ್ರಾಮ ಪಂಚಾಯತಿರ ಗ್ರಾಮ ಸಭೆಲ್ ತೊಮ್ಮಾನ ಮಾಡಿತ್ ಪುರ್ಡ್ ದುಂಬುಚಿಟ್ಟತ್. ಈ ನ್ಯಾರತ್ ಪಂಚಾಯತಿ ಅಧ್ಯಕ್ಷೆ ಶ್ರೀಮತಿ ಶಿಲ್ಪ, ಉಪಾಧ್ಯಕ್ಷೆ ಶ್ರೀಮತಿ ಬೀನಾ ಪಿಡಿಓ ಶ್ರೀ ಅಶೋಕ್ ಪಿಂಞ ಸದಸ್ಯಂಗಳಾನ ಶ್ರೀ ಕಲಿಯಂಡ ಸಂಪನ್ ಅಯ್ಯಪ್ಪ, ಕೋಡಿಮಣಿಯಂಡ ಬೋಪಣ್ಣ, ಭರತ್ ಚಂದ್ರ , ದೇವಯ್ಯ, ಪ್ರಕಾಶ್ ,ಇಂದಿರಾ , ಸಫೀಯ , ನೂಡಲ್ ಅಧಿಕಾರಿ ಕೂಡ್ನನಕೆ ಬೋರೆ ಬೋರೆ ಅಧಿಕಾರಿಯ, ಊರ್ ನಾಡ್ಕಾರ ಕೂಡಿತಿಂಜತ್.