ಮಡಿಕೇರಿ, ಮಾ.17: ಇಕ್ಕಾಕಲೆ ತರಾವರಿ ಕೋವುಲ್ ಉಲಗ ದಾಖಲ್ ಮಾಡಿತುಳ್ಳ ಕೊಡವ ಹಾಕಿ ನಮ್ಮೆ ಈ ಕುರಿ 25ನೇ ಕಾಲತ ನಮ್ಮೆನ ಮುದ್ದಂಡ ಒಕ್ಕತ್ರ ಆದನೆಲ್ ನಡ್ತುವಕ್ ಎಲ್ಲಾ ಜೋಡ್ ಕೂಟಿಯಂಡುಂಡ್. ಈ ಕಾಲತ ಹಾಕಿ ನಮ್ಮೆಕ್ ಇಕ್ಕಾಕಣೆ 375 ಒಕ್ಕ ಪೆದ ದಾಖಲ್ ಮಾಡ್ಯಂಡಿತ್. ಮಾರ್ಚ್ 18ನೇ ಚೊವ್ವಾಚೆ ಆಖೀರಾಪ ಪೆದ ದಾಖಲ್ ಕೋಪು ತೀರಣೆ 400+ ಒಕ್ಕ ದಾಕಲಾಂಡೂಂದ್ ಮುದ್ದಂಡ ಒಕ್ಕಕಾರ, ಪಿಂಞ ಮಕೊಡವ ಹಾಕಿ ಅಕಾಡೆಮಿ ಎಲ್ಲಾ ತರತೂ ನೈಚಂಡುಂಡ್.
ಇದಂಡ ಕೂಟ್ಕ್ ಈ ಕುರಿ ಪೊಮ್ಮಕ್ಕಕೂ ಅಂಜಾಳ್ ಓರ್ ಬರಿರ ಹಾಕಿ ಪೈಪೋಟಿ ನಡ್ಪದುಂಡ್ ಇದಂಗ್ ಇಕ್ಕಾಕಲೆ 34 ಒಕ್ಕ ಪೆದ ದಾಖಲ್ ಮಾಡ್ಯಂಡಕ, ಮಿಂಞಕ್ ಪೆದ ಕಾಖಲ್ ಮಾಡ್ವ ಒಕ್ಕಕಾರ್ ಏಪ್ರಿಲ್ 10ಕೆತ್ತನೆ ಅವಕಾಶ ಇಪ್ಪದುಂಡ್.
ಇಕ್ಕಾಕಲೇ ಲಿಮ್ಕಾ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ ದಂಡ್ ಕುರಿ, ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಲ್ ಒಮ್ಮ ದಾಖಲಾಯುತುಳ್ಳ ಉಲಗತ ಏರ ಬಲ್ಯ ಫೀಲ್ಡ್ ಹಾಕಿಂದ್ ಕೇಳಿ ಪೋಯಿತುಳ್ಳ ಕೊಡವ ಹಾಕಿ ನಮ್ಮೆ, ಈ ಕುರಿಯೂ ಗಿನ್ನೀಸ್ ದಾಖಲಾಯಿತ್, ಬೀರ್ಯ ಪಡಂದವಕ್ ಮುದ್ದಂಡ ಒಕ್ಕಕಾರ ಎಲ್ಲಾ ಜೋಡ್ ತಯಾರಿನೂ ಮಾಡ್ಯಂಡುಂಡ್…
