ಪಾಡಿ, ನ.13: ಕೊಡವಡ ಮೂಂದನೇ ಮಾಬಲ್ಯ ನಮ್ಮೆ ಪುತ್ತರಿ. ಕಾಲೋದಿ ಪುತ್ತರಿ ನಮ್ಮೆನ, ಪಾಡಿ ಇಗ್ಗುತಪ್ಪಂಡ ನಡೆ ಮಿಂಞಲ್, ಅಮ್ಮಂಗೇರಿ ಕಣಿಯ, ತಕ್ಕ ಮುಕ್ಕಾಟಿಯ, ನಾಡ್, ದೇಶಕಾರಡ ಮುಂಬುಲ್ ಕುರಿಪದ್ ಪದ್ದತಿ.
ದೇವ ತಿಂಗ ಬಿರ್ಚಾರ್ಲ್ ಪುತ್ತರಿ ಕೈಪದ್ ಪಂಡ್ಪೋಲೆ ನಡ್ಂದ್ ಬಂದಂತದ್. ಏದ್ ನಾಳ್ ಎಣ್ಣುವಾನ ಕಣಿಯ ಕುರ್ಚಿತ್, ದೇಶಕೆಲ್ಲ ಸಾರುವದ್, ಅಂದೇ ದೇಶಕೆಟ್ಟ್ ಬೂವದೂ ಇಗ್ಗುತಪ್ಪಂಡ ನಡ್ಪು. ಆ ಪೋಲೆ ಈಯಾಂಡ್ ಕೂಡಿ ಬಿರ್ಚಾರ್29 ಎಣ್ಣಕ, ಡಿಸೆಂಬರ್ 14ಕ್ ಪುತ್ತರಿ ನಮ್ಮೆ ನಡ್ಪಲೋ. ಅಂದ್ ಬೈಟ್ ಇಗ್ಗುತಪ್ಪಂಗ್ ಕದ್ ಎಡ್ತಿತಾನದ್ ಕೊಡುದೇಶದುಂಬೆಲ್ಲ ದೇವ ತಿರಿಕೆಲೂ, ಐನ್ ಮನೆಲೂ, ಒಕ್ಕಮನೆಲೂ ಕದ್ ಎಡ್ತ್, ಪಿತ್ಯಾಂದ್ಂಜಿ ಮಂದ್, ಮನೆಪಾಟ್ರನ್ನತ ಕೋಪು ನಡ್ಪ.
ಈ ಕಾಲ ನವೆಂಬರ್ 17ಲ್ ಪುತ್ತರಿ ಎಣ್ಣಿತ್ ಚೆನ್ನಂಗ್ ನಾಳ್ಪಟ್ಟಿ(ಕ್ಯಾಲೇಂಡರ್)ಲ್ ಬಂದಾನಕೊಂಡ್ ದೇಶತ ಜನ ಸಂಶಯತ್ ಅಪ್ಪರಿಪ್ಪರ ತಕ್ಕ್ ಬಾಕ್ ಬಾಡ್ಯಂಡ್, ಕೇಟರ್ಂಜಂಡುಳ್ಳಲ್ಲಿ, ನಂಗಳೂ ತಕ್ಕ, ಮುಕ್ಕಾಟಿಯ, ಅರಿಯವು, ಪೆರಿಯನ ಕೇಟರ್ಂಜ ಪೋಲೆ, ಈ ಕುರಿ ಪುತ್ತರಿ ಡಿಸೆಂಬರ್ 14ಲೇ ನಡ್ಪ. ಆಚೇಂಗೂ ಪುತ್ತರಿ ಕುರಿಪಂದ್ ಸೆರಿಯಾನ ನಾಳ್, ನ್ಯಾರ ಅರಿವಾಂದ್ ಅರಿಕೆ ಮಾಡಿತ್