ಪೊನ್ನಂಪೇಟೆ, ಜ.13: ಅಮ್ಮಕೊಡವ ಒಕ್ಕಡೊಕ್ಕಡ ನಡುಲ್ ಪೊನ್ನಂಪೇಟೆಲ್ ನಡ್ಪ, ಕೊಂಡಿಜಮ್ಮನ ಕ್ರಿಕೇಟ್ ಕಳಿ ನಮ್ಮೆ ಪೆರ್ಂಗುರ್ತ್ನ ಎಲ್.ಎ.ಸಿ. ಪಿಂಞ ವಿರಾಜಪೇಟೆ ಶಾಸಕ ಅಜ್ಜಿಕುಟ್ಟಿರ ಪೊನ್ನಣ್ಣ ಅವು ಬೊಳಿಕ್ ಬೂಕ್ಚಿ.
ಈ ನ್ಯಾರತ್ ತಕ್ಕ್ ಪರಂದ ಅಜ್ಜಿಕುಟ್ಟಿರ ಪೊನ್ನಣ್ಣ ಅವು, ಕೊಡವ ಪದ್ದತಿ ಪರಂಪರೆರ ಉಳಿವುಲ್ ಅಮ್ಮಕೊಡವ ಜನಾಂಗತ ನೈಪು ಒರ್ಪು ದುಂಬಾ ಉಂಡ್. ಅಮ್ಮಕೊಡವ ಜನಾಂಗತಾಂಡ ಒಕ್ಕಟ್ಟ್ರ ನಡೆಕಾಯಿತ್ ಕಾಲೋದಿ ನಡ್ತುವ ಕ್ರಿಕೆಟ್ ನಮ್ಮೆಕ್ ಎಕ್ಕೊಲೂ ಒತ್ತಾಸೆ ಇಪ್ಪ ಎಣ್ಣದಲ್ಲತೆ ಕ್ರಿಕೇಟ್ ಎಣ್ಣುವದ್ ಓರ್ ಕಳಿ ಆಯಿತ್ ಇಡೀ ಉಲಗತ್ನೇ ತಾಂಡತಟ್ಟಿ ಬಲ್ಚಿ ಕೂಟ್ನಂತದ್. ಇಂತ ಕೇಳಿರ ಪೈಪೋಟಿಲ್ ನಂಗಡ ಮಕ್ಕಳೂ ಏರ ಕಣಕ್ಲ್ ಕೂಡಿ ಕಳಿಪನ್ನೆಕಾಡ್ಂದ್ ಬಯಂದತ್.
ಅಖಿಲ ಅಮ್ಮಕೊಡವ ಸಮಾಜ ಕೊರವುಕಾರ ಬಾನಂಡ ಪ್ರಥ್ಯು, ಜಿಲ್ಲಾ ಗ್ಯಾರೆಂಟಿ ಅನುಷ್ಟಾನ ಸಮಿತಿ ಅಧ್ಯಕ್ಷ ತೀತಿರ ದರ್ಮಜ ಉತ್ತಪ್ಪ ಕೂಡ್ನನಕೆ ಖನಪಟ್ಟವು ಹಾಜರಿಂಜತ್.
