ನಾಪೋಕ್‌, ಏ.29: ಕೊಡವುರ ಕೇಳಿಪೋನ ಬೇತು ಶ್ರೀ ಮಕ್ಕಿ ಶಾಸ್ತಾವು ದೇವಡ ಎಡ್ಮ್ಯಾರ್‌ ನಮ್ಮೆ ನಾಳಂಕೆ ಮೇ 02 ಬೊಳ್ಯಾಚೆ ಲಿಂಜಿ 4ನೇ ನಾರಾಚೆಕೆತ್ತನೆ ನಡ್ಪ. ನಾಳಂಕೆ 02ಲ್‌ ಬೈಟ್‌ 09 ಗಂಟೆಕ್‌ ದೇವಡ ಕೊಟ್ಟಿ ಪಾಡೋ, 03ನೇ ನಾಳಂಕೆ ಪೊಲಾಕ 11.30 ಗಂಟೆಕ್‌ ಎತ್ತ್‌ ಪೋರಾಟ್‌, ಅಂದೇ ಬೈಟ್‌ 09.30 ಗಂಟೆಕ್‌ ಶಾಸ್ತಾವು ದೇವಡ ಕೇಳಿ ಪೋನ ಅಂದಿ ಬೊಳಕ್‌ ನಡ್ಪ. ಪಿತ್ಯಾಂದ್‌ 04ನೇ ನಾರಾಚೆ ಪೊಲಾಕ 09.30 ಗಂಟೆಕ್‌ ಶ್ರೀ ಕಲ್ಯಾಟಜ್ಜಪ್ಪ ತೆರೆ ನಡ್ಪ. ಮಜ್ಜಣ 12.30 ಗಂಟೆಕ್‌ ಕೂಳ್‌ದಾನ ನಡ್ಪ. ಮಜ್ಜಣತ್ರ ಮೀದ 01 ಗಂಟೆಕ್‌ ಶ್ರೀ ವಿಷ್ಣುಮೂರ್ತಿ ದೇವಡ ತೆರೆ ನಡ್ಪ. ನಾಡ್‌ರ ಮಾಜನ ಏರ ಕಣಕ್‌ಲ್‌ ಬಂತ್‌ ಕೂಡಿಯಾಡಿತ್‌ ದೇವಡ ತೀರ್ಥ ಪ್ರಸಾದ ಎಡ್ತಂಡ್, ದೇವಡ ಆಶೀರ್ವಾದ ಪಡದವಂಡೂಂದ್‌ ದೇವಳತ ತಕ್ಕ ಮುಕ್ಕಾಟಿಯ ಪಿಂಞ ಆಡಳಿತ ಮಂಡಳಿಕಾರ ಕೇಟಂಡಿತ್.
