ವಿರಾಜಪೇಟೆ, ಜು.11;(nadubadenews): ಕೇರಳತ್, ಕೊಡವಡ ತಕ್ಕಾಮೆಲ್ ನಡ್ಪ ಬೈತೂರಪ್ಪಂಡ ದೇವಳತ ಅಭಿವೃದ್ದಿ ಕಾರ್ಯಕ್ ಕೈ ಇಡೋಕ್, ಮೊಳಿಕೇಪಕಾಯಿತ್ ಇಂದ್ ದೇವಳತ್ ಪೂ ಪ್ರಶನೆ ಬೆಚ್ಚಿತ್ ಕೇಟರ್ಂಜತ್.
ಉಳಿಕಲ್ ವಯತೂರ್ ದೇವಸ್ಥಾನಂ ಟ್ರಸ್ಟ್ ಪಿಂಞ ಆದಿ ಬಯತೂರಪ್ಪ ಭಕ್ತಜನಸಂಘತ್ರ ಕೂಡ್ ಕೂಟತ್ ನಡ್ತ್ನ ಈ ಕಾರ್ಯತ್ ತಂತ್ರಿ ಪವಿತ್ರನ್ ಮಾಷ್ಟರ್ ಅವು ಪ್ರಶ್ನೆಬೆಚ್ಚಿ ನೋಟಿ ತಿರ್ಂಜ ಪೋಲೆ, ದೇವಳತ ಅಡಕೆ ನಡೆ ಗೋಪುರ, ಪೌಳಿ, ತೆಕ್ಕ್ ಪೌಳಿನ ಚಾಯಿಕೂಟೋ ಪಿಂಞ ದೇವಳತ್ ಕಳಕ್ ಇಂಟರ್ಲಾಕ್ ಇಡೋ ಕಾರ್ಯಕ್ ಬೈತೂರಚ್ಚಂಡ ಅನುವುಂಡ್ಂದ್ ತಿರ್ಂಜಿ ಬಾತ್ಂದ್ ದೇವ ತಕ್ಕ ಪುಗ್ಗೆರ ಪೊನ್ನಪ್ಪ ಅವು ಅರಿಚಿಟ್ಟಿತ್.
ಈ ಘಳಿಗೆಲ್, ಉಳಿಕಲ್ ವಯತೂರ್ ದೇವಸ್ಥಾನಂ ಟ್ರಸ್ಟ್ ಕೊರವುಕಾರ ಹರಿಶ್ಚಂದ್ರ ನಂಬಿಯಾರ್, ಟ್ರಷ್ಟಿಯಳಾನ ಪ್ರಭಾಕರನ್, ಮಾಳೇಟಿರ ರತ್ನ ಸುಬ್ಬಯ್ಯ, ಪುಗ್ಗೆರ ನಂದ ಆದಿ ಬಯತೂರಪ್ಪ ಭಕ್ತ ಜನಸಂಘತ ಕೊರವುಕಾರ ಅಮ್ಮಣಕುಟ್ಟಂಡ ಕಿರಣ್ ಸುಬ್ರಮಣಿ, ಕೂಟ್ಕೊರವುಕಾರ ಪಡಿಞಾರಂಡ ಅಯ್ಯಪ್ಪ, ಕಾರ್ಯಕಾರ ಚೇಂದಂಡ ಶಿವಕುಮಾರ್, ಕೂಡ್ಕೂಟ್ಕಾರಳಾನ ಮಾಳೆಟಿರ ಅಜಿತ್ ಪೂವಣ್ಣ, ಮಂಡೆಪಂಡ ರಿಶುಕಾರ್ಯಪ್ಪ, ಬೊಪ್ಪಂಡ ತ್ರಿಶುಲ್, ಬೈತೂರಚ್ಚಂಡ ಭಲ್ಯ ಭಕ್ತ ಚೆಪ್ಪುಡಿರ ಪೊನ್ನಪ್ಪ ಕೂಡ್ನನಕೆ ಟ್ರಷ್ಟಿಯ, ಕೂಟ್ಕಾರಂಗ, ಭಕ್ತಂಗ ಇಂಜತ್.