(nadubadenews) (ಜಾಹಿರಾತ್) ಬದಲಾವಣೆ ಎಣ್ಣೋದ್ ಉಲಗ ನೇಮ, ಇಲ್ಲಿ ಕಾಲಕೊತ್ತನ್ನಕೆ ಎಲ್ಲವೂ ಬದಲಾಪ, ಬದಲಾಂಡು. ಪುದಿಯ ನೀರ್ ಬಪ್ಪಕ, ಪಳಿಯ ನೀರ್ ತೊಕ್ಕಿಪೋಪ, ಪಳಿಯ ಬೇರುಳ್ಳ ಮರತ್ ಪುದಿಯ ಚಿಗ್ರೆಲೆ ಬಂದಕೇ ಮರಕೋರ್ ಲಕ್ಷಣ. ಇನ್ನತ ಬದಲಾವಣೆ ನಂಗಡ ಕೊಡವಾಮೆರ ಒಳಿಯವೂ ಬೋಂಡ್ಯಚ್ಚಕ್ ಆಯಿತ್ ಮಿಂಞಕ್ ಆಪದೂ ಉಂಡ್.
ಇಕ್ಕ ನಂಗಡ ‘ಐತಿಹಾಸಿಕ ಕೊಡವಾಮೆ ಬಾಳೊ’ ಆನ ಸಮಯತಿಂಜ ನೋಟಿ, ಕೊಡವಡಲ್ಲಿ ಪಿಂಞ ಕೊಡವ ಸಮಾಜತೂ ಸುಮಾರ್ ಬದಲಾವಣೆರ ಅಲೆ ಬಂದನಕೆ ಎದ್ದ್ ಕಂಡಂಡುಂಡ್. ಆ ಅಲೆನ ಕೊಡವಾಮೆರ ಕೊಡೆ ಆಯಿತ್ ಮಿಂಞಕ್ ಕೊಂಡೋಪದ್ ನಂಗಡ, ಅದತೂ ಎಲ್ಲಾ ಕೊಡವ ಸಮಾಜ, ಸಂಘ ಸಂಸ್ಥೆಯಡ ಆದ್ಯ ನೈಪು. ನಂಗಡ ಅವ್ವ ಕಾವೇರಮ್ಮೆ ಕಾಲಕೊಮ್ಮ ತೇರ್ಥರೂಪಿಯಾಯಿತ್, ಪುದಿಯಾಮೆಲ್ ಒಕ್ಕುವನೆಕೆ, ಕೊಡವ ಸಮಾಜತ ಆಡಳಿತಕೂ ಪುದಿಯ ನೀರ್, ಪುದಿಯಾಮೆಕೊತ್ತ ಗಾಳಿರ ಅವಶ್ಯಕತೆ ಉಂಡ್. ಪಕ್ಷ ಪಂಗಡತ ಮುಲಾಜ್ ಬುಟ್ಟಿತ್, ಕೊಡವಾಮೆಕ್ ನಿಂದ್ ನೈಪೈಂಗಡ ಅವಶ್ಯಕತೆ ಏರ ಉಂಡ್.
ಇನ್ನನೆಲ್ಲ ಗ್ಯಾನ ಮಾಡ್ಯಂಡ್ ಅಳ್ತನ್ನಕೇ ಎಲ್ಲಾ ಕೊಡವ ಸಮಾಜಕ್ ಓರ್ ಪೆರಿಯ ಅಣ್ಣಂಡ ಮಾದರಿ ಉಳ್ಳ ಬೆಂಗಳೂರ್ ಕೊಡವ ಸಮಾಜ ಆಡಳಿತಕ್ ಚುನಾವಣೆ ಪಕ್ಕ ಬಂದೇ ಪೋಚಿ. ಇದೇ ಜುಲೈ ತಿಂಗತ್ ಬೆಂಗಳೂರ್ ಕೊಡವ ಸಮಾಜಕ್ ಪುದಿಯ ಆಡಳಿತ ಮಂಡಳಿ ಚುನಾವಣೆ ನಡ್ಪ.
ಇಕ್ಕ ಉಳ್ಳ ಆಡಳಿತ ಮಂಡಳಿ ಸುಮಾರ್ ಏರ ನಲ್ಲ ಕೆಲಸ ಮಾಡಿತ್, ನಂಗೆಲ್ಲರೂ ಈ ಆಡಳಿತ ಮಂಡಳಿನ ಕೊದ್ಚಿ ಕೊಂಡಾಡುವಂಡು. ಅವು ಮಾಡ್ನ ಕಾರ್ಬಾರ್ನ ಇಂಞಚ್ಚಕೂ ಮಿಂಞಕ್ ಎಡ್ತಂಡ್ ಪೋಪಕ್, ನಂಗಡ ಒಗ್ಗಟ್ಟ್ನ ಕಾತ್ ಬೆಚ್ಚ೦ಡ್ ಮಿಂಞಕ್ ಕೊಂಡ ಪೋಪಕ್, ನಂಗಡ ಸಂಸ್ಕೃತಿ, ಪೊರ್ಪಾಡ್, ಆಯಿಮೆ ಕೊಯಿಮೆ, ಉಳಿಕೆ ಬೊಳ್ಚೆರ ಮೀದ ಎಲ್ಲಾ ತರತೂ ಆಯೆಂಡುಳ್ಳೊ ಕೇಡ್ ಕೇತರೆರ ತಡೆಕ್, ಕೊಡವಾಮೆರ, ಕೊಡವಡ ರಕ್ಷಣೆಕ್, ಬೊಳಚೆಕ್, ಬವುಸುಕ್, ಪಕ್ಷ ಪಂಗಡತ್ರ ಮುಲಾಜ್ ಬುಟ್ಟಿತ್ ತನ್ನ ತಾ ಒಪ್ಪುಚಿಟ್ಟಂಡ್ ಕೊಡವಾಮೆಕಾಯಿತ್ ಧೈರ್ಯತ್ ನಿಂದ್ ನೈಪಕ್, ರಾಜಧಾನಿ ಬೆಂಗಳೂರ್ ಕೊಡವ ಸಮಾಜತಂತ ಬಲ್ಯೊರ್ ಸಂಸ್ಥೆಲ್ ನ೦ಗಕ್ ಇಕ್ಕ ಬಲವಾನ ಅಭ್ಯರ್ಥಿಯೇ ಬೋಂಡು
ಈ ಕುರಿರ ಚುನಾವಣೆ ಕಯಿಂಜ ಸುಮಾರೆಲ್ಲಾ ಚುನಾವಣೆರ ಮಾದ್ರಿ ಅಲ್ಲ, ಇದ್ ಓರ್ ಮುಖ್ಯಪಟ್ಟ ಕಾಲನೇರತ್ ನಡ್ಂದಂಡುಳ್ಳ ಚುನಾವಣೆ. ಅಧ್ಯಕ್ಷತನಕೂ ಪಿಂಞ ಅಯಿಂಗಕ್ ಒತ್ತ ಓರ್ ಕಾರ್ಯಕೂಟ್ಕೂ ನಲ್ಲ ಅನುಭವ ಉಳ್ಳ, ಎಲ್ಲಾಡ ಕೂಡೆ ಎಂದೆಕೂ ಒರೇ ಪೋಲೆ ಇಪ್ಪ, ಶಿಸ್ತ್ ಗತ್ತ್ರ ತಕ್ಕ್ಬಾಕ್, ಪೂಂದೆಳಿಲ್ ತಕ್ಕರಿಚಿಡೋ ಓರ್ ಮೂಡ್ ನಂಗಕೆಲ್ಲ ಎದ್ದೆಲಂಗಿ ಕಂಡತ್. ಅದ್ ಬೋರೆ ದಾರೂ ಅಲ್ಲ ಬಾಳೆಯಡ ಕರುಣ್ ಕಾಳಪ್ಪ ಪಿಂಞ ಅಯಿಂಗಡ ಕೂಟ್ಕಾರ. ಇಯಿಂಗಳ ನಿಪ್ಪುಚಿಡೊಂಡು, ಅಯಂಗಡ ಅಧಿಕಾರವಧಿಲ್ ಕೊಡವಾಮೆರ, ಕೊಡವಡ ಏಳಿಗೆ ಇಂಞಚ್ಚಕೂ ಆಂಡೂಂದ್ ನಂಗ ಸಿನೇತಂಗ, ಅಭಿಮಾನಿಯಡ, ಒತ್ತೋರ್ಮೆರ ಅಭಿಪ್ರಾಯ.
ದಾರ್ ಈ ಬಾಳೆಯಡ ಕರುಣ್ಕಾಳಪ್ಪ.…? ಎಣ್ಣುವಾನ ಅರಿಯೋಂಡುವೇಂಗಿ ಭಾರತತ್ರ ಅದತೂ ಮುಖ್ಯವಾಯಿತ್ ಸೌತ್ ಇಂಡಿಯಾತ ಇಡೀ ಕಾರ್ಪೊರೇಟ್ ಸೆಕ್ಟರಲ್, ಹಾಕಿ ಕೋವುಲ್, ಫ್ರಾಟೆನಿಟಿಲ್, ಅಥ್ಲೆಟಿಕ್ಸ್ಲ್, ಕೊಡವಾಮೆರ ವಿಷಯತ್, ಕೊರೊನ ಸಮಯತ ಫೈಟ್ಲ್, ಲ್ಯಾಂಡ್ ಸ್ಲೈಡ್ ಆನ ಸಮಯತ್ ಇಂಗ ಖುದ್ದ್ ನಿಂದಿತ್ ಮಾಡ್ನ ಕೆಲಸತ್ನ ಎಲ್ಲಾ ಕುಯ್ಯೋಡೆ ನೋಟ್ನಕ ಕೊಡವಾಮೆರ ಕೋವುಲ್ ಓರ್ ಬಲ್ಯ ಪೆದ ಉಳ್ಳವು ಬಾಳೆಯಡ ಕರುಣ್ ಕಾಳಪ್ಪ.
61 ಬಯತ್ರ ಬಾಳೆಯಡ ಕರುಣ್ ಕಾಳಪ್ಪ ಅವು ಬಾಳೆಯಡ ಚರ್ಮಣ (ರಾಜು) ಪಿಂಜ ಮಾಚಮ್ಮ (ಪಾಚಿ) (ತಾಮನೆ- ಮಾಚೆಟ್ಟಿರ) ದಂಪತಿಯಡ ಪೆರಿಯ ಮೊoವೊ. ಅಯಿಂಗಡ ಓರ್ ತಮ್ಮಣ ಬಾಳೆಯಡ ಪೂವಯ್ಯ(ಕಿಶನ್) ಮಡಿಕೇರಿಲ್ ನೋಟರಿ & ಅಡ್ವೋಕೇಟ್ ಅಯಿತುಂಡ್, ಚೆರಿಯ೦ವೊ ಬಾಳೆಯಡ ಪೂಣಚ್ಚ(ಸುಮನ್) ಇಂಟರ್ನ್ಯಾಷನಲ್ ಹಾಕಿಲ್ ಭಾರತತ ಗೋಲ್ ಕೀಪರ್ ಆಯಿತ್ ಕೇಳಿ ಎಡ್ತಿತ್, ಇಕ್ಕ ಕಸ್ಟಮ್ಸ್ಲ್ ಸೀನಿಯರ್ ಆಫೀಸರ್ ಆಯಿತುಂಡ್. ಬಾಳೆಯಡ ಕರುಣ್ ಕಾಳಪ್ಪ. ಅವು ಲತಾ(ಕಮಲಾಕ್ಷಿ) (ತಾಮನೆ - ಮಂಗೇರಿರ) ಅಯಿಂಗಳ ಮಂಗಲಾಯಿತ್, ದಂಡ್ ಮಕ್ಕ ಉಂಡ್. ಮೋವ Advocate ಲಕ್ಷ ಕಾಳಪ್ಪ (ಇವು ಕೊಳ್ಳಿಮಾಡ Dr. ಸೋಮಣ್ಣನ ಮಂಗಲಾಯಿತ್), ಮೊoವೊ ಮಿಥುಲ್ ಅಯ್ಯಪ್ಪ, Advocate ಆಯಿತ್ ಅಕ್ಕಂಡ ಕೂಡ ಓರ್ ಲಾ ಫರ್ಮ್ನ ನಡ್ತಿಯಂಡ್ ಉಂಡ್.
ಬೆಂಗಳೂರ್ ಸೆಂಟ್ ಜೋಸೆಫ್ಸ್ಲ್ ಗ್ರಾಜುಯೇಷನ್ ಮಾಡಿತುಳ್ಳ ಬಾಳೆಯಡ ಕರುಣ್ ಕಾಳಪ್ಪ ಅವು, ಅಲ್ಲಿಂಜ, PGD in ಮಾರ್ಕೆಟಿಂಗ್, ಪಿಂಞ ಮೈಸೂರ್ ಯೂನಿವೆರ್ಸಿಟಿಲ್ MBA in HR & ಮಾರ್ಕೆಟಿಂಗ್ ಮಾಡಿತ್ ತಾಂಡ ಚಾಕ್ರಿರ ಕೋವುಲ್ ಕೇಳಿ ಎಡ್ತಿತ್.
ಓರ್ ಕಾಲತ್ 'ಥಯ್ಸ್ ಕಾಳ', 'ಐರನ್ ಕಾಳ', 'ಮಸಲ್ ಮ್ಯಾನ್' ಎಣ್ಣಿತ್ ಪೆದ ಪೋಯಿತಿಂಜ ಬಾಳೆಯಡ ಕರುಣ್ ಕಾಳಪ್ಪ, ಸ್ಪೋರ್ಟ್ಸ್ ಹಾಸ್ಟೆಲ್ ಶುರವಾಪಕ ಅಲ್ಲಿ ಕೂಡ್ನ ಆದ್ಯ ಸದಸ್ಯಂಗಡಾತ್ ಒಬ್ಬ. ಚೆಪ್ಪುಡಿರ ಕಾರ್ಯಪ್ಪ, ಮಾಳೇಟಿರ ಶ್ರೀನಿವಾಸ್, ಅಂಜಪರವಂಡ ಸುಬ್ಬಯ್ಯ ಕೂಡ್ನನಕೆ ಕೇಳಿಪೋನವೆಲ್ಲ ಅಕ್ಕ ಇಂಗಡ ಕೂಟಾಳಿಯ. ಸ್ಟೇಟ್ ಜೂನಿಯರ್ ಹಾಕಿ ಟೀಂ, ಬೆಂಗಳೂರು ಯೂನಿವರ್ಸಿಟಿಕೂ ಕಳ್ಚಿತ್, 1985ಲ್ ಇಂಡಿಯಾ ಟೀಮ್ಲ್ ಪರ್ಗತ್ ಸಿಂಗ್ರ ಕೂಡ ಕಳಿಪದ್ ಖಾತರಿ ಆಯತಿಂಜ ಸಮಯತೇ, ಕರುಣ್ ಕಾಳಪ್ಪ ಅಯಿಂಗಡ ಬಾಳ್ಲೋರ್ ಬೀರಂಗಾತ್ ಬೀಜಿ ಪೋಚಿ. ಅಯಿಂಗಡದೇ ಮನೇರ ಚಾಕ್ ನಾಯಿ ಕಡ್ಚಾಂಗ್ ಮದ್ದ್ (anti ರಾಬೀಸ್) ಎಡ್ತಂಡದ್ ರಿಯಾಕ್ಷನ್ ಆಯಿರುವಂಜಿ, ತಾಂಡ ಓರ್ ಇಡೀ ಕಾಲ್ರ ಪುಡ್ತವೇ ಇಲ್ಲತನಕೆ ಆಯಿ ಪೋಚಿ.
ಸಾಧಾರಣತವು ಆಯಿತುಂಡೆoಗಿ, ಮಂಡೆ ಕೆಡ್ತಿಯೆಂಡ್ ಜೀವಮಾನವೇ ಬೋಂಡಾಂದ್ ಎಂತೋ ಮಾಡಿಯೋಕಿಂತೆನ್ನೋ, ಆಚೇಂಗಿ ಅದನೇ ಓರ್ ಚಾಲೆಂಜ್ ಆಯಿತ್ ಎಡ್ತಂಡ ಬಾಳೆಯಡ ಕರುಣ್ ಕಾಳಪ್ಪ ಅವು, 1987ಲ್ ಓರ್ ಚೆರಿಯ ಕಂಪನಿಲ್ ಡೆಲಿವರಿ ಬಾಯ್ ಆಯಿತ್ ಚಾಕ್ರಿಕ್ ಕೂಡಚಿ. ಅಲ್ಲಿಂಜ 'ಶಾಲಿಮಾರ್ ಪೇಂಟ್ಸ್'ಲ್ ಸುಮಾರ್ 10 ಕಾಲ ಕೆಲಸ ಮಾಡಿತ್, DHL -Bluedart ಕಂಪೆನಿಕ್ ಕೂಡಿತ್ ತಾಂಡ ನಿಷ್ಠೆ, ಎಡೆಬುಡತ ನೈಪುನುಂಡ್, ಮಿಂಞಕ್ ಚಾನೆಲ್ ಹೆಡ್ ಆಯಿತ್ ಜವಾಬ್ದಾರಿ ಎಡ್ತಂಡ್, 32 ಕೋಟಿ ಇಂಜ ಕಂಪನಿರ ವ್ಯವಹಾರತ್ನ ತಾನ್ ಓರ್ ಪೆರಿಯ ವೈಸ್ ಪ್ರೆಸಿಡೆಂಟ್ & ಸೌತ್ ಹೆಡ್ ಆಯಿತ್ 1500 ಕೋಟಿಕ್ ಎತ್ತ್ಚಿಟ್ಟದ್ ಬಾಳೆಯಡ ಕರುಣ್ ಕಾಳಪ್ಪ ಅಯಿಂಗಡ ತಾಕತ್. ಎಚ್ಚಕೋ ಬಿರ್ದ್ ಕೇಳಿ ಇಂಗಳ ತೇಡಿಯಂಡ್ ಬಂದಿತ್. ಬಲ್ಯ ಬಲ್ಯ ಸಂಬಳತ್ರ ಆಫರ್ ಇಂಗಕ್ ಬಪ್ಪಕಲೂ ಬ್ಲೂಡಾರ್ಟ್ಕಾರ ಇಂಗಳ ಬುಡತದ್ ಇಂಗಡ ಪ್ರಾಮಾಣಿಕತೆ, ನ್ಯಾಯ ನಿಷ್ಠೆ, ಮೇನತ್ರ ನೈಪುಕೋರ್ ಸಾಕ್ಷಿ. ಕ್ಟ್ಟ್ನ ಬೆಲೆ.
“Actions speak man” ಎಣ್ಣುವನೇಕೆ ಇಂಗಡ ಹಿಸ್ಟರಿಯೇ ಎಣ್ಣುವ, ಇವು ದಾರ್oದ್. ಗ್ರೇಟ್ administrator ಆಯಿತ್, DHL - Bluedartರ MD ಆಯಿತ್ ಬಾಂಬೆಕ್ ಪೊಪಂತ ಅವಕಾಶ ಕ್ಟ್ಟೋಕ ಕೂಡಿ ಫ್ಯಾಮಿಲಿ ಕಮಿಟ್ಮೆಂಟ್ಕಾಯಿತ್ ಇವು ಪೋಯಿಲೆ. ಕಾರ್ಪೊರೇಟ್ ಸೆಕ್ಟರ್ರ ತರಾವರಿ ಚಟುವಟಿಕೆ, ಕಾರ್ಯಕ್ರಮ ಮಾಡ್ನಾತ್ಲೂ ಅಯಿಂಡ ನೈಪುಂಡ್.
ಕಾರ್ಪೊರೇಟ್ ಸೆಕ್ಟರ್ರ ತರಾವರಿ ಚಟುವಟಿಕೆ, ಕಾರ್ಯಕ್ರಮ, ಯೋಜನೆಲೂ, ಅಯಿಂಡ ಬೋರೆ ಬೋರೆ ಕಮಿಟಿಲೂ, ಕೊಡವ ಸಮಾಜ ಪ್ಲೇಸ್ಮೆಂಟ್ ಸೆಲ್ಲೂ, ಬೆಂಗಳೂರ್ ಕೊಡವ ಸಮಾಜ ನೂರಾಂಡ ನಮ್ಮೆಲೂ, ಕೊಡವ ಸಮಾಜತ ತರಾವರಿ ಆಯಿಮೆ ಕೊಯಿಮೆಲೂ ನೈಚಿತುಳ್ಳ ಇವು ಕೋರಮಂಗಲ ಕೊಡವ ಕೂಟತ್ ಸುಮಾರ್ 25 ಕಾಲ ಕೆಲಸ ಮಾಡಿತ್, ಇಕ್ಕ BTM ಲೇಔಟ್ ಕೇರಿಲ್ ಕೆಲಸ ಕಾರ್ಬಾರ್ ಮಾಡ್ಯಂಡ್ ಉಂಡ್.
ದೇಶ ವಿದೇಶ ಸುತ್ತಿ ಬಂದ ಅನುಭವ, ಅರಿವಿಕ ಉಳ್ಳ. ಧಾರ್ಮಿಕತೆ, ಆದ್ಯಾತ್ಮತೂ ಪುರ್ಡ್ ಉಳ್ಳ ಇವು ಓರ್ ಮೋಟಿವೇಷನಲ್ ಸ್ಪೀಕರ್, ಪುಸ್ತಕ, ಸಂಗೀತ ಪ್ರೇಮಿ ಪಿಂಞ ನಲ್ಲೋರ್ ಕವಿಯೂ ಅಕ್ಕು. ಎಲ್ಲಾಗುಂಜ ಬಲ್ಯದಾಯಿತ್, ದುಂಬಾ ಕೊಡವಾಮೆ ಉಳ್ಳವು, ಕೊಡವಾಮೆರ ಪೆರ್ಮೆರ ಕೂಡ ಪುಟ್ಟಿ ಬೊಳಂದವು. ತಾಂಡ ಪ್ಯಾರಾಲಿಸಿಸ್ ಮಾತ್ರ ಅಲ್ಲತೆ ಬದ್ಕ್ರ ಬದ್ಕ್ಲ್ ತರಾವರಿ ಕಷ್ಟನಷ್ಟನೆಲ್ಲ ತಾಂಡ ಧೈರ್ಯ, ಪರಿಶ್ರಮ, ನಲ್ಲರಿಕೆ, ತಾಯಬಾಯತ್ ಚೌಟಿ ನಿಂದಿತ್ ಗೆದ್ದವು. ಕೊಡವಡ ತೊಂದರೆರ, ಕೊಡವಾಮೆಕುಳ್ಳ ತಾಪತ್ರೆರ ಆಳ ಅಗಲ ಮೂಲ ಅರ್ಂಜವು. ‘Actions speak louder than words’ ಎಣ್ಣುವನಕೆ ಕಾಳಪ್ಪಣ್ಣ೦ಡ ಕೆಲಸ, ಚರಿತ್ರೆಯೇ ಸಾರಿತ್ ಎಣ್ಣುವ ಅಯಿಂಗ ದಾರ್೦ದ್. ಅಯಿಂಡ ಜೀವನವೇ ಓರ್ ಯಶೋಗಾಥೆ, ಓರ್ ಬಟ್ಟೆಬೊಳಿ.
ಕೊಡವಕೂ, ಕೊಡವಾಮೆಕೂ ಕೆಲಸ ಮಾಡೊಂಡು ಎಣ್ಣೋ ಇರಾದೆ ಬಾಳೆಯಡ ಕರುಣ್ ಕಾಳಪ್ಪ ಅಯಿಂಗಕ್ ಬಲವಾಯಿತುಂಡ್. ಅನ್ನನೇ ಅದನೆಲ್ಲ ಮಾಡೋಕ್ ಬೊಂಡಿಯಾನ ಉಪಾಯ ಪಿಂಞ ಯೋಜನೆಯೂ ಉಂಡ್. ಪುಡ್ಚ ಕಾರ್ಯನ ಮಾಡುವಿ ಎಣ್ಣುವ ಪುರ್ಡ್ ಉಂಡ್, ಇಕ್ಕಣೆಕೂ ಸುಮಾರ್ ಕಾರ್ಯತ್ನ ತರಾವರಿ ಕೊವುಲ್ ಮಾಡಿತೂ ಕಾಟಿತ್. ಎಲ್ಲಾಂಗಿಂಜ ಮುಕ್ಯವಾಯಿತ್, ರಾಜಕೀಯತಿಂಜ ತೊಟ್ಟ್ ಎಲ್ಲಾ ಕೋವುಲೂ ಬೆಂಬಲ ಕಾಟುವ ಸಿನೇತಂಗ ಕೂಟಾಳಿಯ ಬಾಳೆಯಡ ಕರುಣ್ ಕಾಳಪ್ಪ ಅಯಿಂಗಡ ಕೂಡೆ ಉಂಡ್.
ಬಾಳೆಯಡ ಕರುಣ್ ಕಾಳಪ್ಪ ಅಯಿಂಗಕ್ ಕೊಡವಾಮೆರ ವಿಷಯತ್ ಸ್ವಾರ್ಥ, ಅಡ್ಜೆಸ್ಟ್ಮೆಂಟ್ ಅಂತೂ ಇಲ್ಲವೇ ಇಲ್ಲೇ. ಕೊಡವಾಮೆರ ವಿಚಾರತ್ ದಾಡ ಮುಲಾಜೂ ಇಲ್ಲೆ. ಕೊಡವ ಸಮಾಜ ಓರ್ ಕರ್ಮ ಭೂಮಿ, ಓರ್ ಐನ್ಮನೆ, ದೇವಮನೆ ಇಂಜನೆಕೆ ಎಣ್ಣುವ ಇರಾದೆ ಉಳ್ಳ ಇವು, ಬೆಂಗಳೂರ್ ಕೊಡವ ಸಮಾಜತ ಅಧ್ಯಕ್ಷ ಸ್ಥಾನಕ್ ಎಣ್ಣಿ ಮಾಡ್ನ ವ್ಯಕ್ತಿ ಎಣ್ಣೋಂಗಿಂಜ ಓರ್ ಶಕ್ತಿಂದೇ ಎಣ್ಣೋಲು.
ಕಾಳಪ್ಪಣ್ಣoಡ ಅನುಭವ, ಸಾಮರ್ಥಿಗೆ, ಕೊಡವಾಮೆ, ಕೆಲಸತ ಮೀದ ಉಳ್ಳ ಇರಾದೆ, ತಕ್ಕ್-ಬಾಕ್, ಪ್ರಾಮಾಣಿಕತೆ ಪಿಂಞ ಇಂಗಕುಳ್ಳ ಬೆಂಬಲತ್ರ ಉಪಯೋಗತ್ನ ನಂಗೆಲ್ಲ ಕೊಡವ ಈ ಸಮಯತ್, ಬುದ್ಧಿವಂತಿಕೆಲ್, ಇ೦ಗಳ ಪಿಂಞ ಇಂಗಡ ಕೂಟ್ಕಾರಳ ಬೆಂಗಳೂರ್ ಕೊಡವ ಸಮಾಜ ಆಡಳಿತ ಬಾಡೆಲ್ ಕಾಂಬನ್ನೆಕೆ ಮಾಡ್ಚೆಂಗಿ ಅದ್ನುಂಡ್ ಕೊಡವಕೂ, ಕೊಡವಾಮೆಕೂ ದುಂಬ ನಲ್ಲದಾಪ. ನಿಂಗಡ ಖನಪಟ್ಟ ಓಟ್ನ ಕಾಳಪ್ಪಣ್ಣ ಪಿಂಞ ಕೂಟಾಳಿಯಕ್ ಕೊಡ್ತ್ ನೋಟಿ…, ಅದನುಂಡ್ ಬೆಂಗಳೂರ್ ಕೊಡವ ಸಮಾಜಕ್ ಮಾತ್ರ ಅಲ್ಲತೆ, ಇಡೀ ಕೊಡವ ಕುಲಕೇ ಭಾರೀ ಕಾರ್ಯಲಾಭ ಆಪ ಎಣ್ಣುವದ್ ಅಯಿಂಗಳ, ಅಯಿಂಗಡ ಸೊಪನತ್ನ ಪಿಂಞ ಅಯಿಂಗಡ ಕೂಡೆ ಉಳ್ಳ ಶಕ್ತಿಯಳ ಏರ ಪಕ್ಕತಿಂಜ ಕಂಡಿತುಳ್ಳ ನಂಗೆಲ್ಲಾಡ ಅಭಿಪ್ರಾಯ. ಅನ್ನನೆ ಆಪಕ್ ಬೆಂಗಳೂರ್ ಕೊಡವ ಮಾಜನ, ಪಿಂಞ ಉಲಗತುಳ್ಳ ಎಲ್ಲಾ ಕೊಡವ ಮಾಜನಡ ಸಾಯ ಬೋಂಡುವೇ ಬೋಂಡು. ಎಲ್ಲಾ ಕೊಡವ ಮಾಜನಳೂ ಕೈಕೂಟಿ, ಕಾಳಪ್ಪಣ್ಣ & ಕೂಟ್ ಕಾರಳ ಗೆಲ್ಚಿಟ್ಟಿತ್, ಕೊಡವಾಮೆನ ಕೊಂಡಾಡುವಕ್ ಒಮ್ಮನತ್, ಒಂದಾಯಿ ಕೂಡಿ ಮೊಟ್ಟ್ ಇಡನ.., ಆಕ್ರಮಣತರ ಅಡೆಲ್, ಕೊಡವಾಮೆನ ಎಚ್ಚರತ್ ಕಾಪಾಡಿಯಂಡ್, ಬೊಳತಿಯಂಡ್, ಪಳೆಯಾಮೆರ ನಡ್ಪುಕ್ ಇಂಞಚ್ಚಕೂ ಭೀರ್ಯ ಬಪ್ಪನೆಕೆ ಮಾಡನ, ಇಂಞಚ್ಚಕೂ ಎತ್ತರಕ್ ಕೊಂಡ ಪೋಕನ…
ನಂಗಡೆಲ್ಲಾಡೋ ಮಾಗುರುಕಾರಣ, ಈಶ್ವರ ಇಗ್ಗುತಪ್ಪ, ಅವ್ವ ಕಾವೇರಿ ಕೂಡ್ನನಕೆ ಎಲ್ಲಾ ದೇವಾನು ದೇವತೆಯಳೂ ಎಲ್ಲಾ ಕೊಡವಕೂ, ಕೊಡವಾಮೆಕೂ ಎಕ್ಕೊಲೂ ನಲ್ಲದ್ ಮಾಡಡ್, ಜೈ ಕೊಡವಾಮೆ…
ಬಾಳೆಯಡ ಕರುಣ್ ಕಾಳಪ್ಪ ಅಯಿಂಗ ಸಿನೇತಂಗ – ಕೊಡವಾಭಿಮಾನಿಯ