ವಿರಾಜಪೇಟೆ, ಮಾ.13: ಕರ್ನಾಟಕ ಕೊಡವ ಸಾಹಿತ್ಯ ಅಕಾಡೆಮಿ, ಅಮ್ಮತ್ತಿಲ್ ನಡ್ತುವ ಕೊಡವ ಬಲ್ಯ ನಮ್ಮೆರ, ಕೋಲಾಟ್ ಪೈಪೋಟಿಲ್ ವಾಲಗ ಅಲ್ಲತೆ, ದುಡಿಕೊಟ್ಟ್ ಪಾಟ್ಕೂ ಆಡೋಲೂಂದ್ ಅಕಾಡೆಮಿ ಕೊರವುಕಾರ ಅಜ್ಜಿನಿಕಂಡ ಮಹೇಶ್ ನಾಚಯ್ಯ ಎಣ್ಣಿತ್.
ಈ ಬಲ್ಯ ನಮ್ಮೆಲ್ ಅಕಾಡೆಮಿ ತರಾವರಿ ಪೈಪೋಟಿ ಬೆಚ್ಚಿತ್, ಇದಂಗೊತ್ತ ನೇಮ ನಿರ್ಕ್ನೂ ಮಾಡಿತ್. ಆಚೇಂಗಿ ಆಮಕ್ಕಡ ಕೋಲಾಟ್ ಪೈಪೋಟಿನ ಬರೀ ವಾಲಗತಾಟ್ಕ್ ಮಾತ್ರ ಆಡೋಂಡೂಂದ್ ನಿರ್ಕ್ ಮಾಡಿತಿಂಜತ್.
ಕೊಡವುರ ಸುಮಾರ್ ಊರ್ ನಾಡ್ಲ್ ಕೋಲಾಟಕ್, ಮೇದಪರೆ ಇಲ್ಲೇಂಗಿ ವಾಲಗತ್ನ ಬಳಸತೆ, ಬರೀ ದುಡಿಕೊಟ್ಟ್ಪಾಟ್ಕ್ ಒತ್ತಿತೇ ಆಡುವೊ. ಆಚೇಂಗಿ ಕೊಡವ ಬಲ್ಯ ನಮ್ಮೆಲ್ ಬರೀ ವಾಲಗತಾಟ್ಕ್ ಮಾತ್ರ ಆಡೋಂಡೂಂದ್ ಮಾಡ್ನ ನಿರ್ಕ್ನ ತಿದ್ದಿತ್, ದುಡಿ ಕೊಟ್ಟ್ ಪಾಟ್ಕೂ ಆಡೋನ್ನಕೆ ಅವಕಾಶ ಮಾಡೋಂಡೂಂದ್ ನಡುಬಾಡೆ ನ್ಯೂಸ್, ಅಕಾಡೆಮಿ ಕೊರವುಕಾರ ಅಜ್ಜಿನಿಕಂಡ ಮಹೇಶ್ ನಾಚಯ್ಯ ಅಯಿಂಗಡ ಗಮನಕ್ ಎಡ್ತಬಂದಲ್ಲಿ, ಇದಂಗ್ ಒತ್ತಂಡ ಅವು, ದುಡಿಕೊಟ್ಟ್ ಪಾಟ್ಕೂ ಕೋಲಾಟ್ ಆಡೋಲೂಂದ್ ಎಣ್ಣಿತ್.
