ಪಾಲಿಬೆಟ್ಟ,ಮಾ.14: ಉಲಗ ಪೊಮ್ಮಕ್ಕಡ ನಾಳ್‌ರ ಮಾರೀಪತ್‌, ಕೊಡವ ಸಮಾಜ, ಅಮ್ಮತ್ತಿರ ಪೊಮ್ಮಕ್ಕಡ ಕೂಟತಿಂಜ ತರಾವರಿ ಆಯಿಮೆ ಕೊಯಿಮೆ, ಪೈಪೋಟಿ ನಾಳಂಕೆ 16-03-2025ನೇ ನಾರಾಚೆ ನಡ್ಪದುಂಡ್.
ಅಂದ್‌ ಪೊಲಾಕ 10:00 ಗಂಟೆಲಿಂಜ 4:00 ಗಂಟೆಕೆತ್ತನೆ, ಕೋಟತ ಕೊರವುಕಾರಿ ಚೆಂಬಾಂಡ ರೇಷ್ಠ ಭೀಮಯ್ಯ ಅಯಿಂಗಡ ಮುಂದಾಳ್‌ತನತ್ ನಡ್ಪ ಈ ಆಯಿಮೆಲ್, ಖನಪಟ್ಟ ಬೆಂದುವಳಾಯಿತ್‌, ಅಂತರ್‌ರಾಷ್ಟ್ರೀಯ ಕಳಿಕಾರ್ತಿ ಬೇರೆರ ಪೂನಂ ಬೋಜಣ್ಣ, ಪಿಂಞ ಜಮ್ಮಡ ಪ್ರೀತ್ ಅಪ್ಪಯ್ಯ BA, LLB, MA in Library & Information Science & LLB ಅವು ಕೂಡಿಯಾಡುವ.
ಪಂಡ್ ಕಾಲತ್‌ರ ಪೊಮ್ಮಕ್ಕಡ ಪೊ‌ರಪಾಡ್ (Fashion Show) ಪೈಪೋಟಿ, ಆಟ್‌ ಪಾಟ್, ಕಳಿತೆಳಿ ಪೈಪೋಟಿ ಕೂಡ್‌ನನಕೆ ತರಾವರಿ ಆಯಿಮೆ ಕೊಯಿಮೆ ನಡ್ಪದುಂಡ್.
ಕೂಡಿಬಪ್ಪ ಎಲ್ಲಾರ್‌ಕೂ ಕೊಡವಾಮೆಕೊತ್ತ ಊಟೋಪಚಾರ ಇಪ್ಪ, ಅಮ್ಮತ್ತಿ ಕೊಡವ ಸಮಾಜಕ್‌ ಅಡ್ಂಗ್‌ನ ಊರ್‌ ನಾಡ್‌ರ ಎಲ್ಲಾ ಪೊಮ್ಮಕ್ಕ ತಂಗಡ ಸಾಲ್ ಸಂಸಾರ ಸಮೇತ ಬಂದ್‌ ಕೂಡಿತ್‌ ಅಂದೋಡೆ ನಡ್ತಿ ತರೊಂಡೂಂದ್‌ ಅಮ್ಮತ್ತಿ ಕೊಡವ ಸಮಾಜ ಪೊಮ್ಮಕ್ಕಡ ಕೂಟತ ಕೊರವಿಕಾರಿ, ಕಾರ್ಯಕೂಡ್‌ಕಾರ, ಕೂಟಾಳಿಯ ಮನಸಾರೆ ತಕ್ಕಾರ ಬಯಂದವಾಂದ್, ಕೂಟತ ಕಾರ್ಯಕಾರಿ ಕುಟ್ಟಂಡ ರೇಖಜಗನ್‌ ಅವು ಕೇಟಂಡಿತ್.
