ವಿರಾಜಪೇಟೆ, ಏಪ್ರಿಲ್ 22: ಪೊನ್ನಂಪೇಟೆ ಪಕ್ಕತ ಕುಂದತ್ ಉಳ್ಳ ರತನ್ ಎಸ್ಟೇಟ್ಲ್, ದಂಡನೇ ಕಾಲತ 4×4 ಕೂರ್ಗ್ ಚಾಲೆಂಜೆ ಎಣ್ಣೋ ಪೆದತ್ ತರಾವರಿ ಸಾರೋಟ್ ಓಟ್ (ರ್ಯಾಲಿ) ಮೇ 3 ಪಿಂಞ 4ಲ್ ನಡ್ಪಾಂದ್ ಆಯಿಮೆರ ಕೊರುಕಾರ ಪಟ್ರಂಗಡ ಶ್ರೀಮಂತ್ ಮುತ್ತಣ್ಣ ಅರಿಚಿಟ್ಟಿತ್.
ಇಡೀ ಆಯಿಮೆಲ್ ಎಕ್ಸ್ಪರ್ಟ್ ಕ್ಲಾಸ್, ಎಕ್ಸ್ಪರ್ಟ್ ಪೆಟ್ರೋಲ್ ಕ್ಲಾಸ್, SUV ಕ್ಲಾಸ್, ಜಿಮ್ನಿ ಕ್ಲಾಸ್, ಥಾರ್ ಕ್ಲಾಸ್, ಮೋಡಿಫೈಡ್ ಪೆಟ್ರೋಲ್ ಕ್ಲಾಸ್, ಮೋಡಿಫೈಡ್ ಕ್ಲಾಸ್ ಡಿಸೇಲ್, ಮೋಡಿಫೈಡ್ ಕ್ಲಾಸ್ ಓಪನ್, ಲೇಡಿಸ್ ಕ್ಲಾಸ್, NDMS ಕ್ಲಾಸ್, ಎಣ್ಣಿತ್ ತರಾವರಿ ಕೋವುಲ್ ನಡ್ಪ ಈ ಪೈಪೋಟಿಲ್ ದೇಶಮಟ್ಟತ ರ್ಯಾಲಿ ಪಟುವ ಬಂದ್ ಕೂಡುವದುಂಡ್. ಕೈಂಜ ಮಕಾಲ ಆದ್ಯವಾಯಿತ್ ನಡ್ಂದ ಈ ಪೈಪೋಟಿ ಬಾರೀ ಚಾಯೋಡೆ ಕೈಂಜಿತ್. ಇಕ್ಕ ನಡ್ಪ ದಂಡನೇ ಕಾಲತ ಪೈಪೋಟಿಲೂ ಏರ ಪೈಪೋಟಿಕಾರ ಕೂಡಿಯಾಡುವನುಂಡ್ ಇದೋರ್ ರಾಷ್ಟ್ರಮಟ್ಟತೇ ಪೆದ ಪೋಪ ಪೈಪೋಟಿ ಆಪಾಂದ್ ಪಟ್ರಂಗಡ ಶ್ರೀಮಂತ್ ಮುತ್ತಣ್ಣ ಅವು ಅರಿಚಿಟ್ಟಿತ್.