ಮಡಿಕೇರಿ. ಏ.22: 18ನೇ ಜನರಲ್ ಜೆಜೆ ಸಿಂಗ್ ಏರ್ ರೈಫಲ್ ಶೂಟಿಂಗ್ ಪೈಪೋಟಿಲ್, ಲೆಫ್ಟಿನೆಂಟ್ ಅಜ್ಜಿನಂಡ ಐಶ್ವರ್ಯ ಮುಂದಾಳ್ತನತ ಕೂಟ್ಕಾರ ಪೊನ್ನ್ ಗೆದ್ದಿತ್ ಕೇಳಿ ಪಡಂದಿತ್. ಮಾರ್ಕ್ಮಾನ್ಶಿಪ್ ಮೋವ್ಲ್ ನಡ್ಂದ ಈ ಪೈಪೋಟಿಲ್ ಲೆ. ಅಜ್ಜಿನಂಡ ಐಶ್ವರ್ಯ ಕೂಟ್ಕಾರ 10m ಏರ್ ಪಿಸ್ತೂಲ್ ಪೊಮ್ಮಕ್ಕಡ ಪೈಪೋಟಿಲ್ ಕೂಡಿಯಾಡಿತ್, ಕೂಟ್ ಪೈಪೋಟಿಲ್ ಪೊನ್ನ್ ಪಿಂಞ ಒತ್ತೆ ಪೈಪೋಟಿಲ್ ಬೊಳ್ಳಿ ಗದ್ದಿತ್. ಲೆಫ್ಟಿನೆಂಟ್ ಅಜ್ಜಿನಂಡ ಐಶ್ವರ್ಯ, ಮಡಿಕೇರಿ ವಾಸಿ ಅಜ್ಜಿನಂಡ ಗಣೇಶ್ ಪಿಂಞ ಮೋಂತಿಗಣೇಶ್ ದಂತಿಯಡ ಮೋವ.